തിരുവനന്തപുരം: ആഗോളതലത്തിലുള്ള പ്രവാസി മലയാളി ബാസ്കറ്റ്ബോള് പ്രതിഭകളെ ഭാരതത്തിലെ ആഭ്യന്തര കായിക മേഖലയുമായി കോര്ത്തിണക്കുന്നതിനായി ‘ദേശി ബോളേഴ്സ് കംബൈന്’ (Desi Ballers Combine) ട്രയല്സ് ഔദ്യോഗികമായി പ്രഖ്യാപിച്ചു. അണ്ടര് 14, 19 ആണ്, പെണ് വിഭാഗങ്ങള്ക്കായാണ് വിപുലമായ ഈ ട്രയല്സ് സംഘടിപ്പിക്കുന്നത്.
രാജ്യത്തെ വിവിധ ലീഗുകളുമായും അസോസിയേഷനുകളുമായും സഹകരിച്ച് ഏകലവ്യാസ് കണ്സള്ട്ടന്സി പ്രൈവറ്റ് ലിമിറ്റഡ് വിഭാവനം ചെയ്തതാണ് ഈ സവിശേഷ പദ്ധതി. വരാനിരിക്കുന്ന ബാസ്കറ്റ്ബോള് ലീഗ് കേരള(ബിഎല്കെ)യിലേക്ക് പ്രവാസി മലയാളി താരങ്ങള് കൂടി ഉള്പ്പെടുമെന്നാണ് ഈ പദ്ധതി മുന്നോട്ട് വയ്ക്കുന്ന സൂചന. കേരള ബാസ്കറ്റ്ബോള് അസോസിയേഷന്, സ്റ്റാര്ട്ടിങ് ഫൈവ് സ്പോര്ട്സ് മാനേജ്മെന്റ് പ്രൈവറ്റ് ലിമിറ്റഡ്, എബിസി ബാസ്കറ്റ്ബോള് ഡെവലപ്മെന്റ് ലീഗ് പ്രൈവറ്റ് ലിമിറ്റഡ് എന്നിവയുമായി സഹകരിച്ചാണ് ഈ സംരംഭം നടപ്പിലാക്കുന്നത്.
വിഭാഗങ്ങളും യോഗ്യതയും: അണ്ടര് 14- 2012 ജനുവരി ഒന്നിനോ അതിനുശേഷമോ ജനിച്ചവര്.
അണ്ടര് 19- 2007 ജനുവരി ഒന്നിനോ അതിനുശേഷമോ ജനിച്ചവര്.
നിര്ബന്ധമായും മലയാളി വംശജരായിരിക്കണം.
മുന്ഗണന:
ഇന്ത്യന് പാസ്പോര്ട്ട് ഉള്ളവര്ക്ക് (എന്ആര്ഐ) മുന്ഗണന. ഗള്ഫ് രാജ്യങ്ങളില് നിന്നുള്ള കളിക്കാര്ക്ക് പ്രത്യേക പരിഗണന ലഭിക്കും.
പ്രധാന തീയതികള്:
പ്രവാസി ട്രയല്സ്: മെയ് 10-ന് മുന്പായി
താരങ്ങളുടെ ലേലം: മെയ് 17
ലീഗ് ആരംഭിക്കുന്നത്: ജൂണ് ഒന്ന്
രജിസ്ട്രേഷനും വിവരങ്ങള്ക്കും:
ഗ്ലോബല് ടാലന്റ് സെര്ച്ചിന്റെ ഭാഗമായി പ്രവാസി കുടുംബങ്ങള്ക്ക് പ്രത്യേക രജിസ്ട്രേഷന് സൗകര്യം ഒരുക്കിയിട്ടുണ്ട്:
രജിസ്ട്രേഷന്: Starting Five വെബ്സൈറ്റ് വഴിയോ ഇന്സ്റ്റാഗ്രാം പേജ് വഴിയോ രജിസ്റ്റര് ചെയ്യാം.
വിദേശത്തുള്ളവര്ക്ക്: ട്രയല്സ് വേദികള്, യാത്രാ സൗകര്യങ്ങള് എന്നിവയെക്കുറിച്ചുള്ള വിവരങ്ങള്ക്ക് +91 82898 07488 (വാട്സ് ആപ്പ് നമ്പര്).
