കൊച്ചി: നിരത്തുകളിലെ സ്‌റ്റൈല്‍ ഐക്കണായ യമഹ ഫാസിനോയുടെ പുത്തന്‍ പതിപ്പ് വിപണിയിലെത്തി. രൂപഭംഗിയിലും സാങ്കേതിക വിദ്യയിലും വിപ്ലവകരമായ മാറ്റങ്ങള്‍ വരുത്തിക്കൊണ്ടാണ് ‘ഫാസിനോ 125 എഫ്ഐ ഹൈബ്രിഡ്’ ഇന്ത്യ യമഹ മോട്ടോര്‍ അവതരിപ്പിച്ചത്. 1.5 ദശലക്ഷം ഉപഭോക്താക്കള്‍ എന്ന വലിയ നാഴികക്കല്ല് പിന്നിട്ടതിന്റെ ആഘോഷവേളയിലാണ് പ്രീമിയം ഡിസൈനുമായി പുതിയ മോഡല്‍ എത്തുന്നത്.
പുതുതലമുറ ഉപഭോക്താക്കളെ ആകര്‍ഷിക്കുന്നതിനായി സ്‌കൂട്ടറിന്റെ പിന്‍ഭാഗത്തെ ഡിസൈനില്‍ വലിയ മാറ്റങ്ങളാണ് വരുത്തിയിരിക്കുന്നത്. നീളം വര്‍ദ്ധിപ്പിച്ച റിയര്‍ സെക്ഷന്‍, പുതുക്കിയ ടെയില്‍ ലൈറ്റുകള്‍, ഇന്‍ഡിക്കേറ്ററുകള്‍, സിഗ്‌നേച്ചര്‍ ‘ഢ’ ആകൃതിയിലുള്ള ടെയില്‍ ലാമ്പ് എന്നിവ പുതിയ മോഡലിന് കൂടുതല്‍ പ്രീമിയം ലുക്ക് നല്‍കുന്നു. ടേണ്‍-ബൈ-ടേണ്‍ നാവിഗേഷന്‍, ആന്‍സര്‍ ബാക്ക് സൗകര്യമുള്ള കളര്‍ ടി.എഫ്.ടി ഇന്‍സ്ട്രുമെന്റ് ക്ലസ്റ്റര്‍ തുടങ്ങിയ ആധുനിക സവിശേഷതകളും ഇതിലുണ്ട്.
125 സിസി ബ്ലൂ കോര്‍ ഹൈബ്രിഡ് എഞ്ചിനാണ് സ്‌കൂട്ടറിന് കരുത്ത് പകരുന്നത്. സ്മാര്‍ട്ട് മോട്ടോര്‍ ജനറേറ്റര്‍ (SMG) സാങ്കേതികവിദ്യയിലൂടെ ശബ്ദമില്ലാതെ സ്റ്റാര്‍ട്ട് ചെയ്യാനും പവര്‍ അസിസ്റ്റ് വഴി മികച്ച വേഗത കൈവരിക്കാനും സാധിക്കും. കളര്‍ ടി.എഫ്.ടി ക്ലസ്റ്റര്‍, നാവിഗേഷന്‍, ആന്‍സര്‍ ബാക്ക് ഫീച്ചര്‍ തുടങ്ങിയ ആധുനിക സൗകര്യങ്ങളും പുതിയ പതിപ്പിലുണ്ട്. 76,500 രൂപ മുതല്‍ 95,200 രൂപ വരെയാണ് വിവിധ മോഡലുകളുടെ എക്‌സ് ഷോറൂം വില. നഗര യാത്രകളെ പുതിയ അനുഭവമാക്കി മാറ്റുന്ന ഫാസിനോയുടെ ഈ പതിപ്പ് യുവാക്കളെയും കുടുംബങ്ങളെയും ഒരുപോലെ ആകര്‍ഷിക്കുമെന്ന് യമഹ മോട്ടോര്‍ ഇന്ത്യ ഗ്രൂപ്പ് ചെയര്‍മാന്‍ ഹാജിമെ അയോട്ട പറഞ്ഞു.
