പാലക്കാട് : പൊള്ളാച്ചി വാല്പ്പാറയില് മിനിവാന് അപകടത്തില്പ്പെട്ട് 10 മലയാളികള് മരിച്ചെന്ന് പ്രാഥമിക വിവരം. പതിനാറ് പേര് വാഹനത്തിലുണ്ടായിരുന്നു എന്നാണ് അറിയുന്നത്.മലപ്പുറം പാങ്ങ് സ്വദേശികള് ആണ് ആപകടത്തില് പെട്ടതെന്നാണ് സൂചന.
പതിമൂന്നാം ഹെയര്പിന്നില് വച്ചായിരുന്നു അപകടം. ഒരാളുടെ മൃതദേഹം ജനറല് ആശുപത്രിയില് എത്തിച്ചിട്ടുണ്ട്. പരിക്കേറ്റവരെയും എത്തിക്കുകയാണ്. വെളളിയാഴ്ച വൈകിട്ടായിരുന്നു അപകടം. മരിച്ചവരെക്കുറിച്ചും പരിക്കേറ്റവരെക്കുറിച്ചും വാഹനത്തിന്റെയും കൂടുതല് വിവരങ്ങള് പുറത്തുവന്നിട്ടില്ല.
വിനോദസഞ്ചാരികളുമായി എത്തിയ മിനി വാന് പതിമൂന്നാം ഹെയര്പിന്നിന്റെ കൈവരിയില് ഇടിച്ചാണ് അപകടം എന്നാണ് റിപ്പോര്ട്ട്. വാഹനം പൂര്ണമായി തകര്ന്നിട്ടുണ്ട്.
സ്കൂള് അധ്യാപകരും അവരുടെ കുടുംബങ്ങളും സഞ്ചരിച്ച വാഹനമാണ് അപകടത്തില് പെട്ടതെന്നാണ് സൂചന.
