കണ്ണൂര്: ആര്എസ്എസ് പ്രവര്ത്തകരെ ബോംബെറിഞ്ഞ കേസില് 10 സി പി എം പ്രവര്ത്തകര് കുറ്റക്കാരെന്ന് തളിപ്പറമ്പ് അഡിഷണല് സെഷന്സ് കോടതി കണ്ടെത്തി.സിപിഎം മുന് ആലക്കോട് ഏരിയ സെക്രട്ടറിയും പഞ്ചായത്ത് അംഗവുമായ പി വി ബാബുരാജ് ഉള്പ്പെടെ പ്രതികള് കുറ്റക്കാരാണെന്ന് കണ്ടെത്തിയ കോടതി ഇവര്ക്കുളള ശിക്ഷ ശനിയാഴ്ച വിധിക്കും.
2011 നവംബര് 27ന് വൈകുന്നേരം 4.30 ഓടെ തിമിരി ഔവര് കോളേജിന് സമീപം വച്ച് ബി.ജെ.പി- ആര്.എസ്.എസ് പ്രവര്ത്തകര്ക്ക് നേരെ ബോംബെറിഞ്ഞുവെന്നാണ് കേസ്. പ്രദേശത്ത് ആര്.എസ്.എസ് ശാഖ തുടങ്ങുന്നതിനെ എതിര്ത്ത സി പി എം പ്രവര്ത്തകര് ബോംബെറിയുകയായിരുന്നു.സംഭവത്തിന് തലേ ദിവസം ഇവിടെ സി പി എം പ്രവര്ത്തകര് ആര്.എസ്.എസ് പ്രവര്ത്തകരെ ആക്രമിച്ചിരുന്നു.
ആക്രമണത്തില് പരിക്കേറ്റ് ആശുപത്രിയില് ചികിത്സയിലായിരുന്ന ബി.ജെ.പി-ആര്.എസ്.എസ് പ്രവര്ത്തകര് പിറ്റേ ദിവസം വാഹനത്തില് വീട്ടിലേക്ക് തിരിച്ചു പോകവെ സി പി എം പ്രവര്ത്തകര് ബോംബെറിയുകയായിരുന്നു.വാഹനത്തിലുണ്ടായിരുന്ന 30 ഓളം പ്രവര്ത്തകരില് ഒമ്പത് പേര്ക്ക് ഗുരുതര പരിക്കേറ്റു. ചെറുപുഴ സ്വദേശികളായ ഇ.വി.രാമചന്ദ്രന്, എ.ടി.സന്തോഷ്, ജോജി ഫിലിപ്പ്, ചന്ദ്രന്, ലാല്കൃഷ്ണന്, എം.സി.നാരായണന്, എം.കെ.മുരളി, ഷിജില് തുടങ്ങിയവര്ക്കാണ് പരിക്കേറ്റത്.
