തിരുവനന്തപുരം:കേരളാ ലോകായുക്ത ചട്ട പ്രകാരം സര്ക്കാര് ഉദ്യോഗസ്ഥര് ഒഴികെ പൊതുപ്രവര്ത്തകര് തങ്ങളുടെയും ആശ്രിതരായ കുടുംബാംഗങ്ങളുടെയും ആസ്തി-ബാധ്യത വിവരങ്ങളുടെ സ്റ്റേറ്റ്മെന്റ് നിശ്ചിത ഫോറത്തില് സമര്പ്പിക്കണം.
സര്ക്കാര് രൂപീകരിച്ച സ്റ്റാറ്റിയൂട്ടറിയോ അല്ലാത്തതോ ആയ ബോര്ഡ്, കമ്മിറ്റി, അതോറിറ്റി, കോര്പറേഷന് എന്നിവയിലെ അംഗങ്ങള്, തൊഴിലാളി യൂണിയന് ഭാരവാഹികള്, രാഷ്ട്രീയ പാര്ട്ടികളുടെ ജില്ലാതല ഭാരവാഹികള്, സര്ക്കാര് സഹായം ലഭിക്കുന്ന സ്കൂളുകളും കോളേജുകളും ഉള്പ്പെടെയുള്ള സ്വകാര്യ വിദ്യാഭ്യാസ സ്ഥാപനങ്ങളിലെ മാനേജ്മെന്റ് ഭാരവാഹികള് തുടങ്ങിയവര് 2026 ജൂലായ് 3 ന് മുമ്പ് വിവരങ്ങള് സമര്പ്പിക്കണം. സ്റ്റാറ്റ്യൂട്ടറി ബോഡികള്, സഹകരണ സംഘങ്ങള്, കോര്പറേഷനുകള്, സര്ക്കാര് കമ്പനികള്, ബോര്ഡുകള് എന്നിവയിലെ ചെയര്മാന്, വൈസ് ചെയര്മാന് എന്നിവര് 2027 ജൂലായ് 31ന് മുന്പും വിവരങ്ങള് നല്കണം.
www.lokayuktakerala.gov.in ല് ലഭിക്കുന്ന ഫോറം എ, ബി, സി പ്രകാരം രജിസ്ട്രാര് & കോംപീറ്റന്റ് അതോറിറ്റി, കേരള ലോകായുക്ത തിരുവനന്തപുരം-695033 എന്ന വിലാസത്തില് ആണ് വിവരങ്ങള് സമര്പ്പിക്കേണ്ടത്.
നിശ്ചിത സമയത്തിനുള്ളില് ആസ്തി വിവരങ്ങള് സമര്പ്പിക്കാത്തവര്ക്കെതിരെ നിയമനടപടി സ്വീകരിക്കുമെന്ന് ലോകയുക്ത രജിസ്ട്രാര് അറിയിച്ചു.
