കൊച്ചി: കേരളത്തിലെ സൗരോര്‍ജ രംഗത്ത് 14 വര്‍ഷത്തെ സമാനതകളില്ലാത്ത പരിചയസമ്പത്തുമായി കുതിക്കുന്ന മൂപ്പന്‍സ് സോളാര്‍ പുതിയൊരു ചുവടുവെപ്പിന് ഒരുങ്ങുന്നു. നടനും തിരക്കഥാകൃത്തും സംവിധായകനുമായ അനൂപ് മേനോന്‍ മൂപ്പന്‍സ് സോളാറിന്റെ ബ്രാന്‍ഡ് അംബാസഡറായി.
ക്ലീന്‍ ഊര്‍ജ്ജത്തിലേക്ക് മാറാന്‍ ആഗ്രഹിക്കുന്നവര്‍ക്ക് ഏറ്റവും മികച്ച സേവനങ്ങളാണ് മൂപ്പന്‍സ് വാഗ്ദാനം ചെയ്യുന്നത്. കേന്ദ്ര സര്‍ക്കാര്‍ സബ്‌സിഡിയുടെ ആനുകൂല്യത്തോടെ വളരെ കുറഞ്ഞ ചിലവില്‍ ഇപ്പോള്‍ സോളാര്‍ സംവിധാനം സ്വന്തമാക്കാം എന്നതും പ്രത്യേകതയാണ്. കൂടാതെ, കുറഞ്ഞ പലിശ നിരക്കില്‍ ലഭ്യമായ ആകര്‍ഷകമായ ബാങ്ക് വായ്‌പാ പദ്ധതികള്‍ വഴി, നിലവിലെ വൈദ്യുതി ബില്ലിനോട് സമാനമായ ചെറിയൊരു ഇഎംഐയില്‍ത്തന്നെ സോളാര്‍ സിസ്റ്റം നിങ്ങളുടെ വീട്ടില്‍ സ്ഥാപിക്കാന്‍ കഴിയും.
വളര്‍ച്ചയുടെ പുതിയ ഘട്ടത്തിലേക്ക് കടക്കുന്നതിന്റെ ഭാഗമായി വിപുലവും അത്യാധുനികവുമായ പുതിയ ഓഫീസ് സമുച്ചയത്തിന്റെ ഉദ്ഘാടനം ഉടന്‍ നടത്തും. പുതിയ ഡീലേര്‍സിനേയും ഫ്രാഞ്ചൈസികളേയും ക്ഷണിക്കുന്നതിന്റെ ഉദ്ഘാടനവും നടന്നു കഴിഞ്ഞു. പ്രശസ്ത സംവിധായകന്‍ ശങ്കര്‍ രാമകൃഷ്ണന്‍ സംവിധാനം ചെയ്ത് അനൂപ് മേനോന്‍, ബാലതാരം ദേവനന്ദ എന്നിവര്‍ അഭിനയിക്കുന്ന പുതിയ പരസ്യചിത്രത്തിന്റെ ലോഞ്ചും നടന്നു.
