തിരുവനന്തപുരം:സെക്രട്ടേറിയറ്റിന് പരിസരത്തെ മരം ഒടിഞ്ഞു റോഡിലേക്ക് വീണ് ഗതാഗതം തടസപ്പെട്ടു.കന്റോണ്‍മെന്റ് ഗേറ്റിന് മുന്നിലെ മരമാണ് തിങ്കളാഴ്ച ഉച്ചയ്‌ക്ക് ഒടിഞ്ഞ് വീണത്.
മരം വീണ സമയം താഴെ ആളുകള്‍ ഇല്ലാത്തതിനാല്‍ വലിയ അപകടം ഒഴിവായി. മരം ഒടിഞ്ഞ് വീഴുന്ന ശബ്ദം കേട്ടപ്പോള്‍ പരിസരത്തുള്ളവര്‍ ഓടിമാറി. അഗ്‌നിശമന സേനയെത്തി മരം മുറിച്ചുമാറ്റി.
അപകടാവസ്ഥയില്‍ സെക്രട്ടറിയേറ്റ് പരിസരത്ത് മരങ്ങള്‍ നില്‍ക്കുന്നത് പല പ്രാവശ്യം ശ്രദ്ധയില്‍പ്പെടുത്തിയിട്ടും അധികൃതര്‍ നടപടിയെടുത്തിട്ടില്ലെന്ന് ആരോപണമുണ്ട്.
