തിരുവനന്തപുരം : തന്നെ അപകീർത്തിപ്പെടുത്താൻ വ്യാജ വാർത്തകൾ എഴുതുന്നത് ചിലർക്ക് ശീലമായി മാറിയെന്ന് വട്ടിയൂർക്കാവ് മണ്ഡലത്തിലെ എൻഡിഎ സ്ഥാനാർഥി ആർ. ശ്രീലേഖ . കേന്ദ്ര വിദേശകാര്യ മന്ത്രി എസ്. ജയ്ശങ്കർ ഓൺലൈനായി പങ്കെടുത്ത തിരഞ്ഞെടുപ്പ് പരിപാടിയിൽ നിന്ന് ശ്രീലേഖ ഇറങ്ങിപ്പോയെന്ന മട്ടിൽ മലയാള മാധ്യമങ്ങൾ ഇന്ന് വാർത്ത പ്രചരിപ്പിച്ചിരുന്നു. തനിക്കെതിരെ ഒന്നും പറയാൻ കിട്ടാത്തത് മൂലം തെറ്റായ വാർത്തകൾ സൃഷ്ടിക്കുകയാണ് . ഒളിഞ്ഞിരുന്ന് വീഡിയോ എടുത്ത് പ്രചരിപ്പിക്കുകയാണെന്നും ശ്രീലേഖ പറഞ്ഞു
ബിജെപി നേതാവും സഹോദരതുല്യനുമായ കെ. സോമനുമായുള്ള തന്റെ സംഭാഷണം വളരെ വ്യക്തിപരമാണെന്നും അത് മാധ്യമങ്ങളോട് വെളിപ്പെടുത്തില്ലെന്നും അവർ പറഞ്ഞു.“ഞാൻ പരിപാടിയിൽ നിന്ന് ഇറങ്ങിപ്പോയെന്ന വാർത്ത തെറ്റും ലജ്ജാകരവുമാണ്. പാർട്ടിക്കുള്ളിൽ എന്തെങ്കിലും വ്യത്യാസമുണ്ടെങ്കിൽ അത് മാധ്യമങ്ങളെയല്ല, മറിച്ച് പാർട്ടിയെയാണ് ഞാൻ അറിയിക്കുക. “ ശ്രീലേഖ പറഞ്ഞു.
