ഒരോ വ്യക്തിയുടെയും കൈപ്പത്തിക്കുള്ളില് ജന്മനാ രൂപപ്പെടുന്ന രേഖകള് പരിശോധിച്ച് വ്യക്തിയുടെ സ്വഭാവവും ഭാവിയും ആയുരാരോഗ്യവും മനസിലാക്കുന്ന പദ്ധതിയാണ് ഹസ്തരേഖാ ശാസ്ത്രം. നമ്മുടെ കയ്യില് പല പ്രധാന രേഖകളുമുണ്ട്, ഇതില് വലതും ചെറുതുമെല്ലാം ഉള്പ്പെടുന്നു. ഹസ്തരേഖാശാസ്ത്രപ്രകാരം ഇവയോരോന്നും ഓരോ വിവരങ്ങളെ സൂചിപ്പിക്കുന്നുവെന്നാണ് ഹസ്തരേഖാ ശാസ്ത്രം പറയുന്നത്
കൈയിലെ രേഖകള് പ്രധാനമായും ഹാര്ട്ട് ലൈന് (ഹൃദയരേഖ), ലൈഫ് ലൈന് (ആയുര് രേഖ), ഫേറ്റ് ലൈന് ( വിധിനിര്ണയ രേഖ) , ഹെഡ് ലൈന് തുടങ്ങിയവയാണ്. പേരുപോലെത്തന്നെ ഹാര്ട്ട്ലൈന് അഥവാ ഹൃദയരേഖ ഹൃദയവുമായി ബന്ധപ്പെട്ടിരിയ്ക്കുന്നു. ഹൃദയരേഖ നല്ലപോലെ ആഴത്തിലുള്ളതാണെങ്കില്, തെളിഞ്ഞതാണെങ്കില് നിങ്ങള് സഹൃദയനായ വ്യക്തിയായിരിക്കും. എന്നാല് ഈ രേഖയില് പിളര്പ്പുണ്ടെങ്കില് നിങ്ങള്ക്ക് അധികമാരുമറിയാത്ത് മറ്റൊരു മനസുമുണ്ടെന്ന് സാരം. ഹൃദയരേഖയുടെ അവസാനമാണ് പിളര്പ്പെങ്കില് ഫലം മറ്റൊന്നാണ്, നിങ്ങള്ക്ക് നിരവധിയായ ആഗ്രങ്ങള് ഉണ്ടെന്നാണ് അത് സൂചിപ്പിക്കുന്നത്
ചെറുവിരലിൽ നിന്ന് ചൂണ്ടുവിരലിന്റെ ഭാഗത്തേക്ക് നീളുന്ന രേഖയാണ് പ്രണയരേഖ.പ്രണയ രേഖയ്ക്കും ചെറുവിരലിനും ഇടയിലുള്ള രേഖയാണ് വിവാഹ രേഖ. ദാമ്പത്യ കാര്യങ്ങള്, പ്രണയം, വിവാഹം തുടങ്ങിയവയെ നിര്ണയിക്കുന്നത് ഈ രേഖയാണ്.ഹൃദയ രേഖയും വിവാഹരേഖയും തമ്മിൽ ഏറെ അകലമുണ്ടെങ്കിൽ ഇത്തരക്കാര് ഇരുപതുകളിൽ തന്നെ വിവാഹം കഴിക്കാൻ സാധ്യതയുണ്ട്. ഇവര് ആരെ വിവാഹം കഴിക്കണമെന്ന് തന്നെ കണ്ടുപിടിക്കും. വിവാഹ രേഖ ഹൃദയ രേഖയെ കുറുകെ മുറിച്ച് പോകുന്നത് നല്ല സൂചനയല്ല. വിവാഹ രേഖ ത്രിശൂലത്തിന്റെ ആകൃതിയിലാണെങ്കിൽ അത് ശുഭസൂചനയാണ്. ഇവരും പ്രണയവിവാഹം തന്നെ ആയിരിക്കും തിരഞ്ഞെടുക്കുന്നത്.
വലതുകൈയ്യിലെ വിവാഹരേഖ ഇടതുകൈയ്യിലേതിനെക്കാൾ ഉയർന്നതാണെങ്കിൽ പ്രായത്തിൽ മൂത്ത പങ്കാളിയെ തിരഞ്ഞെടുത്തേക്കാം. എന്നാൽ ഇടതുകൈയ്യിലെ രേഖ വലതുകൈയ്യിലേതിനേക്കാൾ ഉയർന്നതാണെങ്കിൽ ഇത്തരക്കാർ പ്രണയത്തിനായി ഏതുവെല്ലുവിളിയും ഏറ്റെടുക്കും. ഇവർ അന്യദേശങ്ങളിൽ നിന്ന് പങ്കാളിയെ തിരഞ്ഞെടുക്കാനും സാധ്യതയുണ്ട്
