കൊച്ചി : എടയാര് ഓയില് കമ്പനിയില് ഉണ്ടായ തീപ്പിടിത്തത്തില് മരിച്ച അന്യസംസ്ഥാന തൊഴിലാളിയുടെ കുടുംബത്തിന് 30 ലക്ഷം രൂപ നഷ്ടപരിഹാരം നല്കിയാലേ മൃതദേഹം സംസ്കരിക്കൂ എന്ന് നാട്ടുകാര്. മരിച്ച തൊഴിലാളി ശത്രുഘ്ജ്ഞന്റെ മൃതദേഹം സംസ്കരിക്കുന്നത് വൈകുകയാണ്. കമ്പനി പ്രതിനിധികള് സ്ഥലത്തെത്തി കുടുംബവുമായി ചര്ച്ച നടത്തി.
കുടുംബത്തിന് അടിയന്തര ധനസഹായമായി അഞ്ച് ലക്ഷം രൂപ നല്കാന് ഓയില് കമ്പനിയോട് ജില്ലാ കളക്ടര് ആവശ്യപ്പെട്ടിരുന്നു.കുട്ടികളുടെ പഠന ചിലവ് ഏറ്റെടുക്കണം, ഭാര്യക്ക് സമ്മതമെങ്കില് തൊഴില് നല്കണമെന്നും നിര്ദേശമുണ്ട്.
കഴിഞ്ഞ ദിവസം രാവിലെ ആണ് അപകടം ഉണ്ടായത്. യൂണിറ്റിലുണ്ടായിരുന്ന മുപ്പതോളം തൊഴിലാളികള് പെട്ടെന്ന് ഓടി രക്ഷപ്പെട്ടു. വാല്വ് ഓഫാക്കാന് അകത്ത് കയറിയ ശത്രുഘ്ജ്ഞന് മാത്രം തീപ്പിടിത്തത്തില് കുടുങ്ങി.
