ഇന്ത്യയ്‌ക്ക് വേണ്ടി അത്യാധുനിക ഡ്രോണുകൾ നിർമ്മിക്കാൻ ഇസ്രായേൽ കമ്പനി XTEND- എത്തുന്നു . ഇസ്രായേൽ ആസ്ഥാനമായി മുൻനിര AI-യിൽ പ്രവർത്തിക്കുന്ന റോബോട്ടിക്‌സ്, സോഫ്റ്റ്‌വെയർ സിസ്റ്റംസ് സ്ഥാപനമായ XTEND, ഇന്ത്യൻ പ്രതിരോധ സാങ്കേതിക കമ്പനിയായ റയോണിക്സ് ടെക്കുമായി 11 മില്യൺ ഡോളറിന്റെ കരാറിൽ ഒപ്പ് വച്ചു.
XTEND-ന്റെ ഉടമസ്ഥതയിലുള്ള XOS ഓപ്പറേറ്റിംഗ് സിസ്റ്റം ഘടിപ്പിച്ച ആളില്ലാ ആകാശ വാഹനങ്ങൾ നിർമ്മിക്കുന്നതിനും വിതരണം ചെയ്യുന്നതിനുമാണ് ഇന്ത്യയിലേയ്ക്ക് എത്തുന്നത്. ഇന്ത്യയിലെ തിരഞ്ഞെടുത്ത UAV പ്ലാറ്റ്‌ഫോമുകളുടെ ഉൽപ്പാദനം, പരിശോധന, വിതരണം എന്നിവയ്‌ക്കുള്ള എക്‌സ്‌ക്ലൂസീവ് പങ്കാളിയായാണ് റയോണിക്‌സിനെ പരിഗണിച്ചിരിക്കുന്നത് . .
കഴിഞ്ഞ വർഷം, ഇസ്രായേൽ സൈന്യത്തിന് 5,000 അസോൾട്ട് ഡ്രോണുകൾ വിതരണം ചെയ്യുന്നതിനുള്ള കരാർ XTEND കമ്പനിയാണ് നേടിയെടുത്തത് . ഇപ്പോൾ, ഈ കരാറിലൂടെ, XTEND ഇന്ത്യൻ സൈന്യത്തിനായും കരുത്തേറിയ ഡ്രോണുകൾ നിർമ്മിക്കാനാണ് ലക്ഷ്യമിടുന്നത് . ഇറാൻ യുദ്ധത്തിൽ ഏറ്റവും നാശമുണ്ടാക്കിയതും ഇസ്രായേലിന്റെ ശക്തമായ ഡ്രോണുകളാണ് . ഇതിൽ നിന്ന് പ്രചോദനം ഉൾക്കൊണ്ടാകും നിർമ്മാണം.
ഇന്ത്യയുടെ ‘മെയ്‌ക്ക് ഇൻ ഇന്ത്യ’ സംരംഭവുമായി യോജിപ്പിച്ച്, UAV അസംബ്ലിക്കും പരീക്ഷണത്തിനുമായി റയോണിക്സ് ടെക് സജ്ജീകരണങ്ങൾ ഒരുക്കും . IWI പോലുള്ള ഇസ്രായേലി സ്ഥാപനങ്ങൾ ഇതിനകം തന്നെ റൈഫിൾ സിസ്റ്റങ്ങൾക്കായി ‘മെയ്‌ക്ക് ഇൻ ഇന്ത്യയുമായി ചേർന്ന് പ്രവർത്തിക്കുന്നുണ്ട്.
