തിരുവനന്തപുരം: കണ്ണൂര്‍ മണ്ഡലത്തിലെ സ്ഥാനാര്‍ഥിത്വത്തെച്ചൊല്ലി കോണ്‍ഗ്രസില്‍ നാടകീയ നീക്കങ്ങള്‍. മത്സരിക്കുമെന്ന നിലപാടില്‍ ഉറച്ച് നില്‍ക്കുന്നതിടെ കെ സുധാകരന് ചൊവ്വാഴ്ച ദല്‍ഹിലേക്ക് പോകും.രമേശ് ചെന്നിത്തല വീണ്ടും കെ സുധാകരനുമായി സംസാരിച്ചു.
കണ്ണൂരിലെ സ്ഥാനാര്‍ഥിത്വം സംബന്ധിച്ച ചോദ്യങ്ങള്‍ക്ക് പാര്‍ട്ടി തീരുമാനിക്കുമെന്നാണ് കെ. സുധാകരന് പറഞ്ഞത്.എന്നാല്‍ നേതാക്കളുടെ അനുനയത്തിന് വഴങ്ങാന്‍ അദ്ദേഹം കൂട്ടാക്കിയിട്ടില്ല.
കെ.സുധാകരന് സീറ്റ് നല്‍കിയാല്‍ മത്സരിക്കാന്‍ താല്പര്യമുള്ള മറ്റ് എംപിമാരും അവകാശവാദവുമായി വരും എന്നതാണ് സംസ്ഥാന നേതൃത്വത്തെ കുഴപ്പിക്കുന്നത്. എംപിമാര്‍ മത്സരിക്കേണ്ടതില്ലെന്ന നിലപാടിലാണ് പ്രതിപക്ഷ നേതാവ് വി.ഡി. സതീശന്‍.
അതേസമയം, തര്‍ക്കത്തില്‍ ജില്ലാ നേതൃത്വത്തില്‍ അതൃപ്തി പുകയുകയാണ്. തീരുമാനം നീണ്ടുപോകുന്നത് എല്‍ഡിഎഫിന് അനുകൂല സാഹചര്യം ഒരുക്കുമെന്നാണ് ഭൂരിഭാഗം നേതാക്കളും കരുതുന്നത്.
