വാഷിംഗ്ട്ടണ്‍ : ഹോര്‍മുസ് കടലിടുക്ക് കടക്കാന്‍ എണ്ണ ടാങ്കറുകള്‍ക്ക് അമേരിക്ക അകമ്പടി സേവിക്കുമെന്ന് പ്രസിഡന്റ് ഡൊണാള്‍ഡ് ട്രംപ് . നിര്‍ണായക ജലപാതയിലെ ഗതാഗതം തടസ്സപ്പെടുത്താനുള്ള ശ്രമം തടയുമെന്ന് ഇറാന് അദ്‌ദേഹം മുന്നറിയിപ്പ് നല്‍കി.
‘യുണൈറ്റഡ് സ്റ്റേറ്റ്‌സ് സെന്‍ട്രല്‍ കമാന്‍ഡ് മിഡില്‍ ഈസ്റ്റിന്റെ ചരിത്രത്തിലെ ഏറ്റവും ശക്തമായ ബോംബിംഗ് റെയ്ഡുകളിലൊന്ന് നടത്തി, ഇറാന്റെ കിരീടത്തിലെ രത്‌നമായ ഖാര്‍ഗ് ദ്വീപിലെ എല്ലാ സൈനിക ലക്ഷ്യങ്ങളെയും പൂര്‍ണ്ണമായും ഇല്ലാതാക്കി.’ ട്രൂത്ത് സോഷ്യല്‍ എന്ന വെബ്സൈറ്റില്‍ പോസ്റ്റ് ചെയ്ത സന്ദേശത്തില്‍ ട്രംപ് അവകാശപ്പെട്ടു.
ഇറാന്റെ ഊര്‍ജ്ജ കയറ്റുമതിയുടെ നിര്‍ണായക കേന്ദ്രമാണ് ഹോര്‍മുസ് കടലിടുക്കിന് സമീപമുള്ള ഖാര്‍ഗ് ദ്വീപ്. രാജ്യത്തിന്റെ ഭൂരിഭാഗം ക്രൂഡ് ഓയില്‍ കയറ്റുമതിയും ഇവിടെ നിന്നാണ്.
