തിരുവനന്തപുരം: പ്രധാനമന്ത്രിയുടെ പരിപാടിയിൽ പ്രോട്ടോകോൾ ലംഘിച്ചുവെന്ന് ആരോപിച്ച് സംസ്ഥാന മന്ത്രിമാർ പരിപാടി ബഹിഷ്കരിക്കുന്നുവെന്ന വാർത്ത നുണയായെന്ന് തെളിയുന്നു. തദ്ദേശ സ്വയംഭരണ വകുപ്പുമന്ത്രി വാർത്താ മാധ്യമങ്ങളോടു നടത്തിയ പ്രതികരണത്തിൽ അറിയാതെ ‘സത്യം’ പറഞ്ഞുപോവുകയായിരുന്നു.
എന്നാൽ, മന്ത്രിയുടെ പ്രതികരണത്തിൽ സത്യപ്രതിജ്ഞാ ലംഘനമെന്ന് വിശേഷിപ്പിക്കാവുന്ന പരാമർശങ്ങളും കടന്നുകൂടിയത് മറ്റൊരു വിവാദമാകുകയാണ്.
ദേശീയപാതയുടെ ഉദ്ഘാടന പരിപാടിയിൽ കേരള പിഡബ്ല്യു മന്ത്രി മുഹമ്മദ് റിയാസിനെ പങ്കെടുപ്പിക്കാഞ്ഞതിനാൽ ക്ഷണമുണ്ടായിരുന് മന്ത്രിമാരായ കെ. കൃഷ്ണൻകുട്ടിയും എം.ബി. രാജേഷും ബഹിഷ്കരിക്കുമെന്നായിരുന്നു പ്രചാരണം.
എന്നാൽ റിയാസിനെ ക്ഷണിച്ചിട്ടില്ല എന്നറിഞ്ഞത് ഇന്നു കാലത്താണ് ഇന്നലെത്തന്നെ പരിപാടിയിൽ പങ്കെടുക്കേണ്ടെന്ന് തീരുമാനിച്ചിരുന്നുവെന്ന് മന്ത്രി രാജേഷ് വെളിപ്പെടുത്തി. മുൻകൂട്ടി നിശ്ചയിച്ച ഒട്ടേറെ മറ്റുപരിപാടികൾ ഉള്ളതിനാൽ പ്രധാനമന്ത്രിയുടെ പരിപാടിയിൽ പങ്കെടുക്കേണ്ടെന്ന് തീരുമാനിച്ചിരുന്നുവെന്ന് രാജേഷ് വിശദീകരിച്ചു.
മന്ത്രി കെ. കൃഷ്ണൻകുട്ടിക്ക് പനിബാധിച്ചതിനാൽ വിശ്രമത്തിലാണ്. അതിനാലാണ് പങ്കെടുക്കാത്തത് എന്നും രാജേഷ് വിശദീകരിച്ചു.
അപ്പോൾ റിയാസിനെ ക്ഷണിക്കാത്തതിനാൽ ബഹിഷ്കരിക്കുന്നുവെന്ന വാദം അടിത്തറിയില്ലാത്തതായി മാറി. മാത്രമല്ല, പ്രോട്ടോകോൾ പ്രകാരം പരിപാടി നിശ്ചയിച്ചത് മുഖ്യമന്ത്രിയുമായി കൂടിയാലോചിച്ചായിരുന്നു. അപ്പോൾ മന്ത്രി റിയാസിനെ ക്ഷണിക്കണമെന്ന് ആവശ്യപ്പെട്ടിട്ടില്ലെന്നും വ്യക്തമായതോടെ പിണറായി സർക്കാരിന്റെയും സിപിഎമ്മിന്റെയും ആക്ഷേപങ്ങൾ രാഷ്ട്രീയ-തെരഞ്ഞെടുപ്പ് നുണ പ്രചാരണമാണെന്ന് വ്യക്തമാകുകയാണ്.
മന്ത്രി എം.ബി. രാജേഷ് അറിയാതെ സത്യം പറഞ്ഞുപോയി; ഇന്നലെത്തന്നെ പങ്കെടുക്കേണ്ടെന്ന് തീരുമാനിച്ചിരുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.