കൊച്ചി: ഫ്ളാറ്റില് കയറി പീഡിപ്പിക്കാന് ശ്രമിച്ചെന്ന യുവതിയുടെ പരാതിയില് രജിസ്റ്റര് ചെയ്ത കേസില് സംവിധായകന് ചിദംബരം എസ്.പൊതുവാളിന് മുന്കൂര് ജാമ്യം. എറണാകുളം ടൗണ് സൗത്ത് പോലീസ് രജിസ്റ്റര് ചെയ്ത കേസില് എറണാകുളം സെഷന്സ് കോടതി ജഡ്ജി കെ കെ ബാലകൃഷ്ണനാണ് ജാമ്യം അനുവദിച്ചത്.
2022 ല് എളംകുളത്തെ ഫ്ലാറ്റില് അതിക്രമിച്ചു കയറി ലൈംഗിക ഉദ്ദേശത്തോടെ മോശമായി പെരുമാറിയെന്നാണ് യുവതി പൊലീസിന് മൊഴി നല്കിയിട്ടുള്ളത്. ബിഎന്എസ് 74, 75 വകുപ്പുകള് ചുമത്തിയാണ് കേസെടുത്തിട്ടുള്ളത്. പരാതി സംവിധായകന്റെ പ്രതിച്ഛായ നശിപ്പിക്കാനുള്ള ശ്രമത്തിന്റെ ഭാഗമാണെന്നായിരുന്നു പ്രതിഭാഗം കോടതിയെ അറിയിച്ചത്.
ആരോപണങ്ങള് പൂര്ണമായും നിഷേധിച്ച ചിദംബരം, പരാതിക്കാരിയോട് തീര്ത്തും പ്രൊഫഷണല് ബന്ധമേ പുലര്ത്തിയിട്ടുള്ളൂ എന്നും മുന്കൂര് ജാമ്യാപേക്ഷയില് ചിദംബരം കോടതിയെ അറിയിച്ചിരുന്നു. മഞ്ഞുമ്മല് ബോയ്സ്, ജാനേമന് തുടങ്ങിയ സിനിമകളുടെ സംവിധായകനാണ് ചിദംബരം.
