കോട്ടയം:കൈക്കൂലി കേസില് അറസ്റ്റിലായ മോട്ടോര് വെഹിക്കിള് ഇന്സ്പെക്ടര്ക്ക് ജയിലിന് പുറത്ത് സ്വീകരണമൊരുക്കി ഡ്രൈവിംഗ് സ്കൂള് ഉടമകളും ജീവനക്കാരും.ചേര്ത്തലയില് നിന്ന് വിജിലന്സ് അറസ്റ്റ് ചെയ്ത മോട്ടോര് വെഹിക്കിള് ഇന്സ്പെക്ടര് കെ ജി ബിജുവിനെയാണ് ആലപ്പുഴയില് നിന്ന് ബസ് പിടിച്ച് ആളുകള് കോട്ടയത്ത് എത്തി സ്വീകരിച്ചത്.
കെ ജി ബിജുവിനെ കള്ളകേസില് കുടുക്കിയെന്നാണ് ആരോപണം. കഴിഞ്ഞമാസമാണ് കെജി ബിജു അറസ്റ്റിലായത്. 2600 രൂപ കൈക്കൂലി വാങ്ങി എന്ന് ആരോപിച്ച് വിജിലന്സ് അറസ്റ്റ് ചെയ്ത കെ ജി ബിജു കോട്ടയം ജില്ലാ ജയിലില് റിമാന്ഡില് ആയിരുന്നു. റിമാന്ഡ് കാലാവധി പൂര്ത്തിയാക്കി പുറത്തിറങ്ങിയപ്പോഴാണ് ആലപ്പുഴയില് നിന്നെത്തിയവര് ജയിലിന് മുന്നില് സ്വീകരണം ഒരുക്കിയത്. വിരമിക്കുന്നതിന് രണ്ടുമാസം ബാക്കി നില്ക്കെയാണ് ഇയാളെ വിജിലന്സ് അറസ്റ്റ് ചെയ്തത്.
37 വര്ഷം സര്വീസുള്ള കെ ജി ബിജുവിനെതിരെ മുന്പ് ഒരാരോപണവും ഉണ്ടായിട്ടില്ലെന്നാണ് സ്വീകരിക്കാന് എത്തിയവര് പറയുന്നത്.
