ആലപ്പുഴ:കൈക്കൂലി വാങ്ങവെ ചേര്ത്തല ഡിവൈഎസ്പി അനില്കുമാറിനെ വിജിലന്സ് കയ്യോടെ പിടികൂടി.മാലിന്യം നീക്കം ചെയ്യുന്ന വാഹനം വിട്ടുകൊടുക്കാന് കൈക്കൂലി വാങ്ങുന്നതിനിടെയാണ് പിടിയിലായത്.
ശുചിമുറി മാലിന്യങ്ങള് നീക്കം ചെയ്യുന്ന വാഹനങ്ങള് ഡിവൈഎസ്പിയുടെ നേതൃത്വത്തില് കഴിഞ്ഞ ദിവസം പൊലീസ് പിടിച്ചെടുത്തു. ഈ വാഹനങ്ങള് വിട്ടുകൊടുക്കുന്നതിന് ഡിവൈഎസ്പി രണ്ട് ലക്ഷം രൂപ കൈക്കൂലി ആവശ്യപ്പെട്ടതായി ഉടമ വിജിലന്സിനെ അറിയിച്ചു.തുടര്ന്ന് പണം നല്കാന് വാഹന ഉടമ ഡിവൈഎസ്പിയുടെ വീട്ടിലേക്ക് എത്തിയപ്പോള് വിജിലന്സ് സംഘം പിന്തുടരുകയായിരുന്നു. അഡ്വാന്സായി 50,000 രൂപ വാങ്ങുന്നതിനിടെയാണ് അറസ്റ്റ്. വിജിലന്സിനെ കണ്ട് അനില്കുമാര് വീട്ടില്കയറി കതകടച്ചു. പിന്നീട് വീടിന്റെ മേല്ക്കൂര പൊളിച്ചിറങ്ങിയ പ്രതി ഓടിരക്ഷപ്പെടാന് ശ്രമിച്ചു.രണ്ടാമത്തെ നിലയില് നിന്ന് താഴേക്ക് ചാടിയിറങ്ങിയ അനില് മതില് ചാടിക്കടന്ന് ഓടി രക്ഷപ്പെടാന് ശ്രമിച്ചെങ്കിലും വിജിലന്സ് ഉദ്യോഗസ്ഥര് പിന്നാലെ ഓടി പിടികൂടുകയായിരുന്നു.
ഡിവൈഎസ്പി അനില്കുമാറിനെതിരെ നേരത്തെ തന്നെ കൈക്കൂലി ആരോപണം നിലനിന്നിരുന്നു.
