കോഴിക്കോട്: മന്ത്രി എ.കെ.ശശീന്ദ്രന്റെ സ്ഥാനാര്ഥിത്വത്തില് എന്സിപി കോഴിക്കോട് ജില്ലാക്കമ്മിറ്റി യോഗത്തില് വാക്കേറ്റം. എലത്തൂര് മണ്ഡലത്തില് മുക്കം മുഹമ്മദിനെ സ്ഥാനാര്ഥിയാക്കണമെന്ന പ്രമേയവും പാസാക്കി.
അതേസമയം, സ്ഥാനാര്ഥിയെ പാര്ലമെന്ററി പാര്ട്ടി യോഗം തീരുമാനിക്കുമെന്ന് ഒരു വിഭാഗം വാദിച്ചു. യോഗശേഷം നേതാക്കള് പരസ്യമായി വാഗ്വാദം നടത്തി.ശശീന്ദ്രന് മത്സരിക്കുന്നതില് പാര്ട്ടിക്കുള്ളില് നേരത്തെ തന്നെ എതിര്പ്പുണ്ട്.
എട്ട് തവണ മത്സരിക്കുകയും രണ്ട് തവണ മന്ത്രിയാവുകയും ചെയ്ത ആളാണ് എ കെ ശശീന്ദ്രന്. അതിനാല് മത്സര രംഗത്തുനിന്ന് പിന്മാറണമെന്നാണ് ഒരു വിഭാഗം ആവശ്യപ്പെടുന്നത്. 86 പേര് പങ്കെടുത്ത യോഗത്തില് ക്വലം മൂന്നു പേരാണ് ശശീന്ദ്രനെ പിന്തുണച്ചത്.
