ഇസ്ലാമാബാദ് : കറാച്ചി കോൺസുലേറ്റിന് നേരെയുണ്ടായ ആക്രമണത്തിനിടെ യുഎസ് സൈന്യം അക്രമികൾക്കെതിരെ വെടിയുതിർത്തു. ഞായറാഴ്ച കറാച്ചിയിലെ യുഎസ് എംബസിക്ക് നേരെയുണ്ടായ ആക്രമണത്തിൽ പാകിസ്ഥാൻ പ്രതിഷേധക്കാർക്ക് നേരെ യുഎസ് മറൈനുകൾ വെടിയുതിർത്തതായി വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തു.
സൈന്യത്തിന്റെ വെടിവെപ്പിൽ ആരെങ്കിലും പരിക്കേറ്റോ കൊല്ലപ്പെട്ടോ എന്ന് വ്യക്തമല്ലെന്ന് രണ്ട് ഉദ്യോഗസ്ഥർ റോയിട്ടേഴ്സിനോട് പറഞ്ഞു. സ്വകാര്യ സുരക്ഷാ ഗാർഡുകളും ദൗത്യത്തിന് കാവൽ നിൽക്കുന്ന പ്രാദേശിക പോലീസും ഉൾപ്പെടെയുള്ളവർ വെടിയുതിർത്തോ എന്നും അവർക്കറിയില്ല. പ്രതിഷേധക്കാർ യുഎസ് എംബസിയിലെ ബാരിക്കേഡുകൾ തകർത്ത് അകത്ത് പ്രവേശിക്കാൻ തുടങ്ങിയ വേളയിലാണ് സൈന്യം വെടിയുതിർത്തത്.
അതേ സമയം പ്രതിഷേധത്തിനിടെ കുറഞ്ഞത് 10 പേർ കൊല്ലപ്പെട്ടിരുന്നതായി പ്രാദേശിക മാധ്യമങ്ങൾ റിപ്പോർട്ട് ചെയ്തു. മരിച്ചവർ കോൺസുലേറ്റ് ആക്രമിച്ചവരാണെന്നാണ് റിപ്പോർട്ടുകൾ സൂചിപ്പിക്കുന്നത്.
