ദുബായ് : ഇറാന്റെ മിസൈൽ ആക്രമണത്തിനിടെ ഒരു പാകിസ്ഥാൻ പൗരൻ കൊല്ലപ്പെട്ടതായി യുഎഇ അറിയിച്ചു. ഇറാൻ യുഎഇയിലെ ഒരു യുഎസ് സൈനിക താവളത്തെ ലക്ഷ്യമാക്കി മിസൈൽ ആക്രമണം നടത്തിയിരുന്നു.
അതേ സമയം യുഎഇയിൽ അടുത്തിടെയുണ്ടായ ഇറാൻ മിസൈൽ ആക്രമണത്തിൽ സൗദി കിരീടാവകാശി മുഹമ്മദ് ബിൻ സൽമാൻ ആശങ്ക പ്രകടിപ്പിച്ചു. നിലവിലെ സ്ഥിതിഗതികൾ ചർച്ച ചെയ്യാൻ അദ്ദേഹം യുണൈറ്റഡ് അറബ് എമിറേറ്റ്സ് ഭരണാധികാരി മുഹമ്മദ് ബിൻ സായിദുമായി ഫോണിൽ സംസാരിച്ചു.
അതേ സമയം ഇറാനെതിരായ യുഎസ്-ഇസ്രായേൽ ആക്രമണങ്ങൾ മേഖലയ്ക്ക് തിരിച്ചെടുക്കാനാവാത്ത പ്രത്യാഘാതങ്ങൾ ഉണ്ടാക്കുമെന്ന് ഒമാൻ വിദേശകാര്യ മന്ത്രാലയം മുന്നറിയിപ്പ് നൽകി. വെടിനിർത്തൽ നടപ്പിലാക്കുന്നതിനായി യുഎൻ സുരക്ഷാ കൗൺസിലിന്റെ അടിയന്തര യോഗം വിളിക്കണമെന്നും അന്താരാഷ്ട്ര നിയമത്തെ പിന്തുണയ്ക്കുന്ന വ്യക്തമായ നിലപാട് അന്താരാഷ്ട്ര സമൂഹം സ്വീകരിക്കണമെന്നും മന്ത്രാലയം അഭ്യർത്ഥിച്ചു.
