ആലുവ : പോലീസ് ഉദ്യോഗസ്ഥനെ ദേഹോപദ്രവം ഏൽപ്പിച്ച കേസിൽ രണ്ടുപേർ അറസ്റ്റിൽ.’ ആലുവ വെസ്റ്റ് കടുങ്ങല്ലൂർ തണ്ടാർക്കര വീട്ടിൽ അക്ഷയ് (29) ആലുവ കടുങ്ങല്ലൂർ കൊടുമ്പള്ളി വീട്ടിൽ ഹരികൃഷ്ണൻ (28) എന്നിവരെയാണ് ആലുവ പോലീസ് അറസ്റ്റ് ചെയ്തത്.
ചെങ്ങമനാട് സ്റ്റേഷനിലെ രഞ്ജിത്ത് എന്ന പോലീസ് ഉദ്യോഗസ്ഥനെ ദേഹോപദ്രവം ഏൽപ്പിച്ച കേസിലാണ് അറസ്റ്റ് ചെയ്തത്. 22ന് രാത്രി 9 30 മണിക്കാണ് സംഭവം. ശിവരാത്രി മണപ്പുറത്തേക്കുള്ള കൊട്ടാരം കടവ് നടപ്പാലത്തിന് സമീപം ബൈക്കിൽ അമിതവേഗത്തിലെത്തി അനധികൃതമായി പാർക്ക് ചെയ്ത യുവാക്കളോട് വാഹനം മാറ്റി പാർക്ക് ചെയാൻ പറഞ്ഞതിലുള്ള വിരോധത്തിലാണ് ഉദ്യോഗസ്ഥനെ ആക്രമിച്ചത്.
ആലുവ ഇൻസ്പെക്ടർ ജി.പി മനു രാജിന്റെ നേതൃത്വത്തിലാണ് പ്രതികളെ പിടികൂടിയത്.
