രാഹുകാലം എപ്പോള് എങ്ങനെ എന്നു നോക്കാം. സൗകര്യാര്ത്ഥം ആദ്യമായി ഗുളികകാലം എങ്ങനെ എന്ന് ചിന്തിക്കാം. ഗുളികന് ഒരു രാശിയില് ഉദിച്ച് ഒന്നര മണിക്കൂര് (മൂന്നേ മുക്കാല് നാഴിക) ആ രാശിയില് സഞ്ചരിച്ച് ആ രാശിയില് തന്നെ അസ്തമിക്കുന്നു. അടുത്ത ദിവസം അടുത്ത രാശിയില് ഉദിക്കുന്നു. ഉദാഹരണത്തിന് ഉത്തരായനത്തിലെ ആദ്യ വാരത്തിലെ ഗുളികനെ നോക്കാം.
ഉത്തരായനം മകരം 1-ാ0 തീയതി മുതല് തുടങ്ങുന്നു. മകരം നാലാം തീയതി ഞായറാഴ്ച പകല് ഗുളികന് 25 നാഴിക 9 വിനാഴിക ചെന്നപ്പോള് മിഥുനം രാശിയില് ഉദിച്ച് ഒന്നര മണിക്കൂര് ആ രാശിയില് സഞ്ചരിച്ച് ആ രാശിയില് തന്നെ അസ്തമിക്കുന്നു. അഞ്ചാംതീയതി 21 നാഴിക 15 വിനാഴികയ്ക്ക് ഇടവം രാശിയില് ഉദിച്ച് ഒന്നര മണിക്കൂര് സഞ്ചരിച്ച് ആ രാശിയില് തന്നെ അസ്തമിക്കുന്നു. ആറാം തീയതി 17 നാഴിക 23 വിനാഴികയ്ക്ക് വീണ്ടും ഇടവം രാശിയിലും ഏഴാം തീയതി മേടം രാശിയിലും എട്ടാം തീയതി മീനം രാശിയിലും ഉദിക്കുന്നു. ഇങ്ങനെ ഗുളികന് ഒരാഴ്ചയില് ഓരോരോ രാശികളില് മാറി മാറി ഉദിച്ച് ഒന്നര മണിക്കൂര് സഞ്ചരിച്ച് അതാതു രാശികളില് തന്നെ അസ്തമിക്കുന്നു. ഗുളികന്റെ ഈ സഞ്ചാര സമയത്തെയാണ് ഗുളികകാലം എന്ന് പറയുന്നത്.
ഇനി രാഹുവിനെ ചിന്തിക്കാം. 1199 തുലാം മാസം 13-ാം തീയതി രാത്രി 9.30 ന് മീനം രാശിയില് അസ്തമിച്ച് അതേ സമയം കുംഭം രാശിയില് ഉദിക്കുന്നു. 1200 ഇടവമാസം നാലാം തീയതി രാത്രി 9.30ന് മീനം രാശിയില് അസ്തമിച്ച് അതേസമയം കുംഭം രാശിയില് ഉദിക്കുന്നു. ഉദ്ദേശം 18 മാസക്കാലം രാഹു ഒരു രാശിയില് തന്നെ സഞ്ചരിക്കുന്നു. ഈ അവസ്ഥയില് ഇങ്ങനെയാണ് രാഹുകാലം പറയുന്നത്. അതിനാല് രാഹുകാലം എന്ന ഒരു സംഭവമില്ല എന്ന് വ്യക്തമാകുന്നു. അതുകൊണ്ട് രാഹുകാലം വെറും മിഥ്യ യാണെന്നും മനസ്സിലാകുന്നു.
(ഈ ലേഖനത്തിന് അടിസ്ഥാനം ജ്യോതിഷഭൂഷണം പഞ്ചാംഗം)
രാജഗോപാല്
