ആലപ്പുഴ:വണ്ടാനം മെഡിക്കല്‍ കോളേജില്‍ അഞ്ച് വര്‍ഷം മുമ്പ്് നടന്ന ശസ്ത്രക്രിയക്കിടെ വയോധികയുടെ വയറ്റില്‍ കത്രിക കുടുങ്ങിയെന്ന് കണ്ടെത്തി. പുന്നപ്ര സ്വദേശിനി ഉഷ ജോസഫിന്റെ വയറ്റിലാണ് കത്രിക കുടുങ്ങിയത്.
അഞ്ച് വര്‍ഷം മുന്‍പ് നടന്ന ശസ്ത്രക്രിയക്ക് ശേഷം ഇവര്‍ക്ക് ശാരീരിക അസ്വസ്ഥതകള്‍ ഇടയ്‌ക്കിടെ അനുഭവപ്പെട്ടിരുന്നു.അടുത്തിടെ സ്‌കാനിംഗ് നടത്തിയപ്പോഴാണ് വയറ്റില്‍ കത്രിക കുടുങ്ങിക്കിടക്കുന്ന വിവരം പുറത്തറിഞ്ഞത്.
വണ്ടാനം മെഡിക്കല്‍ കോളേജിലെ ഡോക്ടര്‍മാരുടെ ഗുരുതരമായ ചികിത്സാ വീഴ്ചയാണിതെന്ന് ബന്ധുക്കള്‍ ആരോപിച്ചു. നിലവില്‍ കത്രിക നീക്കം ചെയ്യുന്നതിനായി ഇവരെ വീണ്ടും ശസ്ത്രക്രിയക്ക് വിധേയമാക്കേണ്ടി വരും. സംഭവത്തില്‍ ആരോഗ്യവകുപ്പ് അന്വേഷണം പ്രഖ്യാപിക്കുമെന്നാണ് അറിയുന്നത്.
