ന്യൂദൽഹി : ആർഎസ്എസ് ശതാബ്ദി രാജ്യത്തിന്റെ വിവിധ ഭാഗങ്ങളിൽ ആഘോഷങ്ങൾ നടക്കുന്നുണ്ട്. മുംബൈയിൽ നടന്ന പരിപാടിയിൽ പ്രമുഖ ബോളിവുഡ് താരങ്ങൾ പരിപാടിയിൽ പങ്കെടുത്തു . പരിപാടി കണ്ട ശേഷം, അവർ സോഷ്യൽ മീഡിയയിലും ആർഎസ്എസിന്റെ പ്രവർത്തനങ്ങളെ പ്രശംസിച്ചു.
ബോളിവുഡ് നടൻ രൺവീർ സിംഗ് സംഘത്തിന്റെ വീഡിയോ പങ്ക് വച്ചാണ് ആശംസ അറിയിച്ചത് . “100 വർഷം പൂർത്തിയാക്കിയ ആർഎസ്എസിന് ഹൃദയംഗമമായ അഭിനന്ദനങ്ങളും ആശംസകളും. കഴിഞ്ഞ 100 വർഷമായി രാജ്യത്തിന് നൽകിയ സംഭാവനകൾക്ക് ആർഎസ്എസിന് ഹൃദയംഗമമായ നന്ദി.” എന്നാണ് രൺവീർ സിംഗ് കുറിച്ചത്.
ആർഎസ്എസ് ശതാബ്ദി ആഘോഷങ്ങളിൽ പങ്കെടുക്കാൻ കഴിഞ്ഞതിൽ കരൺ ജോഹറും സന്തോഷം പ്രകടിപ്പിച്ചു .മോഹൻ ഭഗവതിന്റെ ചിന്തകളും ആദർശങ്ങളും വളരെ പ്രചോദനാത്മകമാണെന്നും കരൺ ജോഹർ പറയുന്നു. ബോളിവുഡ് വ്യക്തികൾക്കായി ഇത്രയധികം സമയം ചെലവഴിച്ചതിന് മോഹൻ ഭഗവതിനോട് കരൺ ജോഹർ നന്ദി പ്രകടിപ്പിച്ചു. മോഹൻ ഭഗവതിന് അതിശയകരമായ നർമ്മബോധമുണ്ടെന്നും സംഭാഷണത്തിനിടെ അദ്ദേഹം ഒരുപാട് ചിരിച്ചുവെന്നും കരൺ ജോഹർ കൂട്ടിച്ചേർത്തു.
ശിൽപ ഷെട്ടിയും ആർഎസ്എസിന്റെ നൂറാം വാർഷികത്തിന് ആശംസകൾ നേർന്നു. മോഹൻ ഭഗവതിന്റെ വലിയ ആരാധികയാണെന്നും രാഷ്ട്രത്തിനായുള്ള അദ്ദേഹത്തിന്റെ സമർപ്പണത്തെയും ദർശനത്തെയും താൻ വളരെയധികം അഭിനന്ദിക്കുന്നുവെന്നും ശില്പ പറഞ്ഞു. അദ്ദേഹത്തിന്റെ ചിന്തകൾ തന്നെ പ്രചോദിപ്പിക്കുകയും രാഷ്ട്രസേവനത്തിനായി കൂടുതൽ പരിശ്രമിക്കാൻ പ്രാപ്തമാക്കുകയും ചെയ്യുമെന്ന് ശിൽപ ഷെട്ടി പറഞ്ഞു.
