കേരളത്തില്‍ ചൂട് വർധിച്ചുകൊണ്ടിരിക്കുകയാണ്. ചുട്ടുപൊള്ളുന്ന വേനലില്‍ ശരീരം തണുപ്പിക്കാനുള്ള ചില വഴികൾ നോക്കാം. ഉപ്പും എരിവുമുള്ള ഭക്ഷണം കൂടുതല്‍ കഴിച്ചാല്‍ ശരീരത്തിനകത്തും ചൂടേറും എന്നാണ് പറയപ്പെടുന്നത്. അതുകൊണ്ടുതന്നെ ഈ വേനലില്‍ ഉപ്പും എരിവുമുള്ള ഭക്ഷണം ഒഴിവാക്കുന്നതാണ് നല്ലത്.
ദാഹം അനുഭവപ്പെട്ടില്ലെങ്കിലും ഇടയ്‌ക്കിടയ്‌ക്ക് വെള്ളം കുടിക്കണം. തിളപ്പിച്ചാറ്റിയ വെള്ളം കുടിക്കുന്നതാണ് നല്ലത്. അല്ലെങ്കില്‍ ജലജന്യരോഗങ്ങളായ മഞ്ഞപ്പിത്തം , ടൈഫോയിഡ് , വയറിളക്കം , കോളറ എന്നിവ പകരാം. വഴിവക്കിലെ പാനീയങ്ങളും , ശീതള പാനിയങ്ങളും കഴിവതും ഒഴിവാക്കണം.
വ്യായാമം ചെയ്യുന്ന സമയദൈര്‍ഘ്യം കുറയ്‌ക്കണം. കടുപ്പമേറിയ വ്യായാമം ഒഴിവാക്കുകയും വേണം. ശരീരത്തില്‍ അമിത ചൂടേല്‍ക്കാതിരിക്കാന്‍, വിപണിയില്‍ ലഭ്യമാകുന്ന സണ്‍ സ്‌ക്രീനിനേക്കാള്‍ പ്രകൃതിദത്തമായ കറ്റാർവാഴയാണ് നല്ലത്. ഇറുകിയ വസ്‌ത്രം ധരിക്കരുത്. കോട്ടണ്‍ വസ്‌ത്രങ്ങള്‍ ധരിക്കുന്നതാണ് നല്ലത്.
