ന്യൂദല്‍ഹി: ഡിജിറ്റല്‍ അറസ്റ്റ് തട്ടിപ്പുകള്‍ തടയാനുള്ള സംവിധാനങ്ങള്‍ ഒരുക്കേണ്ടത് ബാങ്കുകളുടെ ഉത്തരവാദിത്വമാണെന്ന് സുപ്രീം കോടതി വ്യക്തമാക്കി. പതിനായിരമോ ഇരുപതിനായിരമോ വരെ മാത്രം പിന്‍വലിക്കുന്ന ഒരു വിരമിച്ചയാള്‍ പെട്ടെന്ന് 25 ലക്ഷമോ 50 ലക്ഷമോ പോലുള്ള ഇടപാടുകള്‍ നടത്തുമ്പോള്‍ മുന്നറിയിപ്പ് നല്‍കാന്‍ ബാങ്കുകള്‍ക്ക് കഴിയണമെന്ന് കോടതി അഭിപ്രായപ്പെട്ടു.
ഡിജിറ്റല്‍ അറസ്റ്റ് തട്ടിപ്പുകളുമായി ബന്ധപ്പെട്ട് സ്വമേധയാ എടുത്ത കേസ് പരിഗണിക്കവെയാണ് ചീഫ് ജസ്റ്റിസ് സൂര്യകാന്ത്, ജസ്റ്റിസ് ജോയ്‌മല്യ ബാഗ്ചി, ജസ്റ്റിസ് എന്‍ വി അഞ്ജരിയ എന്നിവരടങ്ങിയ ബെഞ്ച് ഇക്കാര്യംപറഞ്ഞത്. അതേസമയം ഇത്തരം കേസുകള്‍ കൈകാര്യം ചെയ്യുന്നതിനായി റിസര്‍വ് ബാങ്ക് ഓഫ് ഇന്ത്യ സ്റ്റാന്‍ഡേര്‍ഡ് ഓപ്പറേറ്റിംഗ് നടപടിക്രമം (എസ്ഒപി) തയ്യാറാക്കിയിട്ടുണ്ടെന്ന് അറ്റോര്‍ണി ജനറല്‍ ആര്‍ വെങ്കട്ടരമണി കോടതിയെ അറിയിച്ചു. സൈബര്‍ വഴിയുള്ള തട്ടിപ്പുകള്‍ തടയുന്നതിന് താല്‍ക്കാലിക ഡെബിറ്റ് ഹോള്‍ഡുകള്‍ സ്ഥാപിക്കാന്‍ ബാങ്കുകള്‍ക്ക് നടപടിയെടുക്കാന്‍ എസ്ഒപി നിര്‍ദ്ദേശിക്കുന്നു. എസ്ഒപി ഔപചാരികമായി സ്വീകരിക്കാനും രാജ്യത്തുടനീളം ഇത് നടപ്പിലാക്കുന്നതിനുള്ള നിര്‍ദ്ദേശങ്ങള്‍ പുറപ്പെടുവിക്കാനും കോടതി ആഭ്യന്തര മന്ത്രാലയത്തോട് നിര്‍ദ്ദേശിച്ചു.
റിട്ടയര്‍ ചെയ്ത ഒരാള്‍ പതിവില്ലാതെ 50 ലക്ഷമൊക്കെ പിന്‍വലിക്കുമ്പോള്‍ ബാങ്കുകള്‍ ശ്രദ്ധിക്കേണ്ടേ?
ഡിജിറ്റല്‍ അറസ്റ്റ് തട്ടിപ്പുകള്‍ തടയാനുള്ള സംവിധാനങ്ങള്‍ ഒരുക്കേണ്ടത് ബാങ്കുകളുടെ ഉത്തരവാദിത്വമാണെന്ന് സുപ്രീം കോടതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.