ന്യൂദല്ഹി: ഭാരതം – അമേരിക്ക വ്യാപാര കരാര് കേരളത്തിന് വളരെയധികം പ്രയോജനപ്പെട്ടതെന്ന് കേന്ദ്രമന്ത്രി ജോര്ജ് കുര്യന്. റബര്, നാളികേരം, കൊപ്ര, വെളിച്ചെണ്ണ, തേയില, സുഗന്ധദ്രവ്യങ്ങള്, കാപ്പി, കപ്പ, അടയ്ക്ക, കശുവണ്ടി, പൈനാപ്പിള്, പപ്പായ, കൊക്കോ, ബേക്കറി സാധനങ്ങള് മുതലായവയുടെ താരിഫ് അമേരിക്ക എടുത്തുകളഞ്ഞത് സംസ്ഥാനത്തെ കര്ഷകര്ക്ക് വളരെയധികം സഹായകരമാണ്.
കൂടാതെ മത്സ്യ ഉത്പ്പന്നങ്ങള്, തുണിത്തരങ്ങള്, കാര്പ്പറ്റുകള് മുതലായവയുടെ താരിഫ് 18% ആയി കുറക്കുകയും ചെയ്തിട്ടുണ്ട്. ഇത് മത്സ്യത്തൊഴിലാളികള് ഉള്പ്പെടെ ആ മേഖലയുമായി ബന്ധപ്പെട്ടവര്ക്കും കൈത്തറി രംഗത്ത് പ്രവര്ത്തിക്കുന്നവര്ക്കും വളരെ അധികം ഗുണം ചെയ്യും.
കാലിത്തീറ്റ ഉല്പാദനത്തിന് ആവശ്യമായ അസംസ്കൃത വസ്തുക്കള് കുറഞ്ഞ നിരക്കില് ഇറക്കുമതി ചെയ്യുന്നത് ക്ഷീരകര്ഷകര്ക്ക് പ്രയോജനപ്രദമാണ്. രോഗനിര്ണയത്തിന് ആവശ്യമായ അത്യാധുനിക ഉപകരണങ്ങളും സര്ജിക്കല് റോബോട്ടുകളും കുറഞ്ഞ നിരക്കില് ഇറക്കുമതി ചെയ്യുന്നത് ആരോഗ്യ രംഗത്ത് അനുഗ്രഹമായി മാറുമെന്നും ജോര്ജ് കുര്യന് പ്രസ്താവനയില് കൂട്ടിച്ചേര്ത്തു.
