ഹരാരെ:സിംബാവെയില് നടക്കുന്ന അണ്ടര് 19 ലോകകപ്പിന്റെ ഫൈനലില് കടന്ന് ഇന്ത്യ. ഇന്ന് നടന്ന സെമിഫൈനലില് അഫ്ഗാനിസ്ഥാനെ ഏഴ് വിക്കറ്റിനാണ് ഇന്ത്യ തകര്ത്തത്.
ആദ്യം ബാറ്റ് ചെയ്ത അഫ്ഗാനിസ്ഥാന് നാല് വിക്കറ്റ് നഷ്ടത്തില് 310 റണ്സ് എടുത്തു.മറുപടി ബാറ്റിംഗില് 41.1 ഓവറില് മൂന്ന് വിക്കറ്റ് നഷ്ടത്തില് ഇന്ത്യ വിജയം നേടി.മലയാളി താരം ആരോണ് ജോര്ജ് 104 പന്തില് നിന്ന് 115 റണ്സ് നേടി.15 ബൗണ്ടറിയും രണ്ട് സിക്സും അടങ്ങുന്നതായിരുന്നു ആരോണിന്റെ ഇന്നിംഗ്സ്.വൈഭവ് 68 റണ്സും ആയുഷ് 62 റണ്സുമെടുത്തു. വിഹാന് മല്ഹോത്ര 38 റണ്സ് നേടി.
അഫ്ഗാനിസ്ഥാന് വേണ്ടി നൂറിസ്ഥാനി ഒമര്സായ് രണ്ട് വിക്കറ്റ് വീഴ്ത്തി. വാഹിദുള്ള സദ്രാന് ഒരു വിക്കറ്റുമെടുത്തു.
അഫ്ഗാനിസ്ഥാന്റെ ഫൈസല് ഷിനോസാഡയും ഉസൈറുള്ള നിയാസായും സെഞ്ച്വറി മനേടി. ഫൈസല് 15 ബൗണ്ടറികള് ഉള്പ്പെടെ 110 റണ്സെടുത്തു.
ഉസൈറുള്ള 12 ബൗണ്ടറിയും രണ്ട് സിക്സും ഉള്പ്പെടെ അടിച്ച് 101 റണ്സ് നേടി. ഒസ്മാന് സാദത്ത് 39 റണ്സും ഖാലിദ് അഹ്മദ്സായ് 31 റണ്സും സ്കോര് ചെയ്തു. ഇന്ത്യയ്ക്ക് വേണ്ടി ദീപേഷ് ദേവേന്ദ്രനും കനിഷ്ക് ചൗഹാനും രണ്ട് വിക്കറ്റ് വീതം വീഴ്ത്തി.
വെള്ളിയാഴ്ച നടക്കുന്ന ഫൈനലില് ഇന്ത്യ ഇംഗ്ലണ്ടിനെ നേരിടും. ആറാം കീരിടം ലക്ഷ്യമിട്ടാണ് ഇന്ത്യ ഇറങ്ങുന്നത്.
