സ്റ്റോപ്പ് മെമ്മോകൾ കൊണ്ട് തടുത്തു നിർത്തവുന്നതല്ല ഹിന്ദുവിന്റെ ആർജ്ജവം; മാഘമഹോത്സവം മഹാസംഭവമാക്കിയതിന് നന്ദി അറിയിച്ച് ശശികല ടീച്ചർ

തിരുനാവയ: സ്റ്റോപ്പ് മെമ്മോകൾ കൊണ്ട് തടുത്തു നിർത്തവുന്നതല്ല ഹിന്ദുവിന്റെ ആർജ്ജവമെന്ന് മാഘമഹോത്സവം തെളിയിച്ചുവെന്ന് ഹിന്ദു ഐക്യവേദി സംസ്ഥാന രക്ഷാധികാരി കെ. പി ശശികല ടീച്ചർ. മാധ്യമങ്ങളുടെ വായ്‌ത്താരിയില്ലെങ്കിലും ഭരണകർത്താക്കളുടെ കെട്ടി എഴുന്നള്ളത്തുകൾ ഇല്ലെങ്കിലും ഹൈന്ദവ സംഘടനകളുടെ കാര്യശേഷിയും മികവും ഈ ഉത്സവം തെളിയിച്ചുവെന്നും ടീച്ചർ ഫേസ്ബുക്കിൽ കുറിച്ചു.

എല്ലാവരും കൂടി ഇതിനെ ഒരു മഹാസംഭവമാക്കി മാറ്റിയതിന് ടീച്ചർ നന്ദി പറഞ്ഞു.

ശശികല ടീച്ചറുടെ പോസ്റ്റ്:

മാഘ മഹോത്സവത്തിന് കൊടിയിറങ്ങി !
🚩സ്റ്റോപ്പ് മെമ്മോകൾ കൊണ്ട് തടുത്തു നിർത്തവുന്നതല്ല ഹിന്ദുവിന്റെ ആർജ്ജവമെന്ന് തെളിയിച്ചു കൊണ്ട് !
🚩അപമാനിച്ചും അവഹേളിച്ചും തളർത്താവുന്നതല്ല ഹിന്ദുവിന്റെ ആത്മധൈര്യമെന്ന് കാണിച്ചു കൊണ്ട്!
🚩 മാധ്യമങ്ങളുടെ വായ്‌ത്താരിയില്ലെങ്കിലും ഭരണകർത്താക്കളുടെ കെട്ടി എഴുന്നള്ളത്തുകൾ ഇല്ലെങ്കിലും
പരിപാടി വിജയിപ്പിക്കാൻ കഴിയുമെന്ന സന്ദേശമുയർത്തി കൊണ്ട് !
🚩 സന്തുക്കളും ഋഷിമാരും ഈ നാടിന്റെ പൈതൃകമാണെന്ന് ഓർമ്മപ്പെടുത്തി കൊണ്ട് !
🚩 ഹൈന്ദവ സംഘടനകളുടെ കാര്യശേഷിയും മികവും തെളിയിച്ചു കൊണ്ട് !
🚩 സേവാഭാരതി അച്ചടക്കവും സേവന സന്നദ്ധതയും കാര്യപ്രാപ്തിയും ഒത്തിണങ്ങിയ നാടിന്റെ സൈന്യം തന്നെയെന്ന് തെളിയിച്ചു കൊണ്ട് !
🚩 ഹിന്ദുത്വത്തെ നശിപ്പിക്കാൻ കച്ച കെട്ടിയിറങ്ങിയവരോട് പോ മോനേ ദിനേശാ …… എന്ന് പറഞ്ഞു കൊണ്ട് !
🚩 പരശുരാമ കേരളം
ആദി ശങ്കരന്റെ ജന്മഭൂമി.
ശ്രീനാരയണഗുരു …..
ചട്ടമ്പിസ്വാമികൾ….
സദാനന്ദ സ്വാമികൾ …..
ശുഭാനന്ദ ഗുരുദേവൻ….. തുടങ്ങിയവർ ശുദ്ധീകരിച്ച ഈ നാട് ഇനിയൊരിക്കലും ഒരു ഭ്രാന്താലയമാകില്ല എന്ന് വിളംബരം ചെയ്തു കൊണ്ട്……
🌹🌹🌹🌹🌹🌹
നന്ദിയാരോടു ഞാൻ ചൊല്ലേണ്ടു …
ഈ മണ്ണിലൂടെ പടയോട്ടം നടത്തിയ ടിപ്പുവിനോടോ?
ഹാലിളകി പാഞ്ഞ 1921 നോടോ?
ഇന്നും ഹിന്ദുവിനെ കുത്തി നോവിക്കുന്ന കുബുദ്ധികളോടൊ ?
അരിയും മലരും സൂക്ഷിക്കാൻ പറഞ്ഞ ജിഹാദികളോടോ ?
നിയമങ്ങളെ കൊണ്ട് വീർപ്പു മുട്ടിച്ച
തമിൾ നാട് കേരള സർക്കാരുകളോടോ ?
ഇതിന് തുടക്കം കുറിച്ച തിരൂർ ദിനേശ് ജിയോടോ ?
അന്നുമുതൽ തേർ തെളിച്ച അമ്യതാനന്ദമയി മഠത്തോടൊ? ഇതിനെ മഹാസംഭവമാക്കിയ മഹാമണ്ഡലേശ്വർ ആനന്ദവനം സ്വാമികളോടോ?
ഇതിന്റെ നട്ടെല്ലായി നിന്ന
രാഷ്‌ട്രീയ സ്വയം സേവക സംഘത്തോടോ ?
എല്ലാറ്റിനുമുപരി ഞങ്ങൾ ഹിന്ദുകളാണ് എന്ന സ്വാഭിമാനത്തോടെ ഒഴുകിയെത്തി തികഞ്ഞ അച്ചടക്കത്തോടെ ചടങ്ങുകൾ കണ്ട് ….നടത്തി മടങ്ങിയ ലക്ഷങ്ങളോടൊ ?
അറിയില്ല
ഒന്നുറപ്പ്
എല്ലാവരും ചേർന്ന് ഇതൊരു മഹാ മഹാ മഹാ സംഭവമാക്കി