തിരുവനന്തപുരം: കേരള സംസ്ഥാന പിന്നാക്ക വിഭാഗ വികസന കോര്പ്പറേഷന്, മറ്റ് സര്ക്കാര് ധനകാര്യ സ്ഥാപനങ്ങള് അല്ലെങ്കില് പൊതുമേഖലാ ബാങ്കുകള് എന്നിവ മുഖേന വിദ്യാഭ്യാസ വായ്പ എടുത്ത് വിദേശ പഠനം നടത്തുന്ന ഒ.ബി.സി വിഭാഗം വിദ്യാര്ത്ഥികള്ക്ക് ഓവര്സീസ് സ്കോളര്ഷിപ്പ് പദ്ധതി പ്രകാരം പലിശയിളവ് അനുവദിക്കുന്നു. വിദേശ പഠനത്തിന് വിദ്യാഭ്യാസ വായ്പ എടുത്തിട്ടുള്ള അര്ഹരായ 50 വിദ്യാര്ത്ഥിള്ക്ക് ആകെ പലിശയുടെ 75 ശതമാനം അല്ലെങ്കില് പരമാവധി 1 ലക്ഷം രൂപ വരെയാണ് പലിശയിളവ് അനുവദിയ്ക്കുന്നത്. ഈ സ്ഥാപനങ്ങളില് നിന്നും അര്ഹരായവരുടെ പട്ടിക പിന്നാക്ക വിഭാഗ വികസന വകുപ്പില് ശേഖരിച്ചാണ് സബ്സിഡി നല്കുന്നത്. വായ്പയെടുത്തിട്ടുള്ള വിദ്യാര്ത്ഥികള് പലിശയിളവ് അനുവദിക്കുന്നതിനുള്ള പട്ടികയില് ഉള്പ്പെട്ടിട്ടുണ്ടെന്ന് അതത് ധനകാര്യ സ്ഥാപനങ്ങളില് ബന്ധപ്പെട്ട് ഉറപ്പ് വരുത്തണം.
