തിരുവനന്തപുരം:കെഎസ്ആര്ടിസി കുപ്പിവെള്ളം ലഭ്യമാക്കുമെന്ന് ഗതാഗത മന്ത്രി കെബി ഗണേഷ് കുമാര്. വിപണിയില് ലഭ്യമാകുന്നതിനേക്കാള് കുറഞ്ഞ വിലയ്ക്കായിരിക്കും വെള്ളം നല്കുക. വെള്ളം വില്ക്കുമ്പോള് രണ്ട് രൂപ കണ്ടക്ടര്ക്കും ഒരു രൂപ ഡ്രൈവര്ക്കും കമ്മീഷന് നല്കും.
വരും മാസങ്ങളില് കടുത്ത ചൂടാണ് ഉണ്ടാവുക. വെള്ളമില്ലാതെ പറ്റില്ല.കുപ്പിവെളളം ലഭ്യമാക്കാനായി ടെന്ഡര് വിളിച്ചിട്ടുണ്ട്. കെഎസ്ആര്ടിസിക്കായി ഏതെങ്കിലും കമ്പനികളെ തിരഞ്ഞെടുക്കും. പഴയ ഡ്രൈവേഴ്സ് യൂണിയന് പ്രസിഡന്റിന്റെ മകനായതിനാല് ഡ്രൈവര്ക്കും ഒരു രൂപ കിട്ടട്ടേയെന്ന് കരുതിയെന്ന തമാശയും മന്ത്രി പങ്കുവച്ചു.
കെഎസ്ആര്ടിസിയില് ഭക്ഷണം നല്കുന്ന പദ്ധതിയും ആരംഭിക്കും. ബിസിനസ് ക്ലാസ് ബസ് നേരത്തെ ഉദ്ഘാടനം പ്രഖ്യാപിക്കും. തെരഞ്ഞെടുപ്പ് വരുന്നതിനാലാണ് ഇതെന്നും മന്ത്രി പറഞ്ഞു.
