ന്യൂദല്ഹി: പശ്ചിമ ബംഗാള് മുഖ്യമന്ത്രി മമത ബാനര്ജി തിരഞ്ഞെടുപ്പ് കമ്മീഷന് ഓഫീസിലെത്തി ഭീഷണി മുഴക്കുകയും ഫ,<ര്ണീച്ചറുകള് തകര്ക്കാന് ശ്രമിക്കുകയും ചെയ്തു. തിരഞ്ഞെടുപ്പ് കമ്മീഷനിലെ ഉന്നതരായ മൂന്ന് ഉദ്യോഗസ്ഥരെ സന്ദര്ശിച്ച അവര് മേശപ്പുറത്ത് പലതവണ അടിക്കുകയും ‘ലക്ഷക്കണക്കിന് ആളുകളെ തിരഞ്ഞെടുപ്പ് കമ്മീഷന് ഓഫീസിലേക്ക് പരേഡ് ചെയ്യിക്കാന് തനിക്ക് കഴിയുമെന്ന് ‘ ഭീഷണിപ്പെടുത്തുകയും ചെയ്തു. വോട്ടര് പട്ടിക ശുദ്ധീകരണമാണ് മമതയെ പ്രകോപിപ്പിച്ചത്.
ഉദ്യോഗസ്ഥര് സംയമനം പാലിക്കുകയും മാന്യമായി പെരുമാറുകയും ചെയ്തിട്ടും മമത അവര്ക്കു നേരെ ആക്രോശിക്കുകയായിരുന്നു. ‘ബിജെപിയുടെ ഏജന്റ്’ എന്ന് അവര് ഉദ്യോഗസ്ഥരെ വിശേഷിപ്പിച്ചു.
മമത ബാനര്ജിയുടെ പ്രകടനം ആളുകളെ പറ്റിക്കാനുള്ള നാടകമാണെന്ന് ബംഗാള് ഘടകം ബിജെപി നേതാവ് സുവേന്ദു അധികാരി പരിഹസിച്ചു.
