കോഴിക്കോട്: ഗോവിന്ദപുരം സ്വദേശി യു ദീപക് ജീവനൊടുക്കിയ സംഭവത്തില് മുസ്ലീം ലീഗ് വനിതാ നേതാവും യൂടൂബറുമായ ഷിംജിത മുസ്തഫയെ കസ്റ്റഡിയില് ചോദ്യം ചെയ്യാന് അനുവദിക്കണമെന്ന് ആവശ്യപ്പെട്ട് പൊലീസ് കുന്ദമംഗലം ഫസ്റ്റ് ക്ളാസ് മജിസ്ട്രേറ്റ് കോടതിയില് അപേക്ഷ നല്കി.അപേക്ഷ 5 ന് പരിഗണിക്കാന് മാറ്റി.
ദീപക്കിന്റെ മാതാവ് നല്കിയ പരാതിയില് അറസ്റ്റിലായി മഞ്ചേരി സബ് ജയിലില് റിമാന്ഡിലാണ് ഷിംജിത. സമൂഹമാധ്യമത്തില് അപകീര്ത്തികരമായ ദൃശ്യങ്ങള് പ്രചരിപ്പിച്ചതിനു പിന്നാലെ അതിലുള്ള മനോവിഷമത്തിലാണ് ദീപക് ജീവനൊടുക്കിയതെന്ന് പരാതിയില് വ്യക്തമാക്കിയിരുന്നു.
അതേസമയം ഷിംജിതയുടെ ജാമ്യാപേക്ഷ ബുധനാഴ്ച ജില്ലാ കോടതി പരിഗണിക്കുന്നുണ്ട്. ദീപക്കിനെതിരെ ഉന്നയിച്ച ആരോപണങ്ങളില് കൂടുതല് വ്യക്തത വരുത്താനും വീഡിയോ ചിത്രീകരിച്ചതിനെക്കുറിച്ച് വിശദമായ മൊഴി രേഖപ്പെടുത്താനും ഷിംജിതയെ ചോദ്യം ചെയ്യേണ്ടതുണ്ടെന്ന് കസ്റ്റഡി അപേക്ഷയില് പറയുന്നു.
ഷിംജിത മുസ്തഫയ്ക്കായുള്ള കസ്റ്റഡി അപേക്ഷ പൊലീസ് നല്കിയത് ഇന്ന്, കോടതി 5 ന് പരിഗണിക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.