ന്യൂദല്ഹി: തിരുനാവായയില് നടക്കുന്ന മഹാമാഘ മഹോത്സവത്തില് പങ്കെടുക്കാനായി പോകുന്ന സംന്യാസി സംഘത്തിന് സ്വീകരണം നല്കി. റെയില്വേ അനുവദിച്ച ഋഷികേശില് നിന്നുള്ള പ്രത്യേക ട്രെയിനില് യാത്ര ചെയ്യുന്ന സംന്യാസിസംഘത്തിനാണ് ദല്ഹി ഹസ്രത്ത് നിസാമുദ്ദീന് റെയില്വേ സ്റ്റേഷനില് സ്വീകരണം നല്കിയത്. ആരതിയുഴിഞ്ഞും മാലയിട്ടുമായിരുന്നു സ്വീകരണം. വിവിധ ഹൈന്ദവസംഘടനകളുടെ ആഭിമുഖ്യത്തിലായിരുന്നു സ്വീകരണം.
ബിജെപി കേരള സംസ്ഥാന ജനറല് സെക്രട്ടറി എസ്. സുരേഷ്, എന്. വേണുഗോപാല്, ചോലയില് ശശിധരന്, ശശി മേനോന്, കെ.എം. വിജയകുമാര്, വി.ആര്. രാമന് തുടങ്ങിയവര് നേതൃത്വം നല്കി. തീവണ്ടി ഒന്നിന് രാവിലെ എറണാകുളത്ത് എത്തും. കാശിയില് നിന്നുള്ള പ്രത്യേക തീവണ്ടിയും ഇന്നലെ യാത്രതിരിച്ചു. രണ്ട് തീവണ്ടികളും മൂന്നിന് എറണാകുളത്ത് നിന്ന് തിരിച്ച് യാത്ര പുറപ്പെടും.
