വടക്കുന്നാഥനെ ഓര്‍ത്ത് നമശിവായ ചൊല്ലി മോഹന്‍ലാല്‍ സ്കൂള്‍ കലോത്സവ സമാപന വേദിയില്‍

തൃശൂര്‍ :സ്കൂള്‍ കലോത്സവത്തിന്റെ സമാപന വേദിയില്‍ എത്താന്‍ കഴിഞ്ഞതില്‍ വടക്കുന്നാഥന് നന്ദി പറഞ്ഞ് നടന്‍ മോഹന്‍ലാല്‍. വടക്കുന്നാഥന് നന്ദി പറഞ്ഞ ശേഷം നമശിവായ കൂടി ചൊല്ലിയ ശേഷമാണ് മോഹന്‍ലാല്‍ പ്രസംഗം തുടങ്ങിയത്. വടക്കുന്നാഥന് നന്ദി പറഞ്ഞപ്പോഴും നമശിവായ ചൊല്ലിയപ്പോഴും തേക്കിന്‍കാട്ടിലെ സമാപനവേദിയില്‍ മണിക്കൂറുകളായി താരത്തിന്റെ വരവും കാത്തിരുന്ന ആയിരങ്ങള്‍ വന്‍ആരവമാണ് ഉയര്‍ത്തിയത്.

മോഹന്‍ലാലിനെ കണ്ടത് മുതലേ കുട്ടികള്‍ കയ്യടിക്കുകയും ഉറക്കെ ശബ്ദമുണ്ടാക്കി വരവേല്‍ക്കുകയും ചെയ്തു. നെഞ്ചിനകത്ത് ലാലേട്ടന്‍ എന്ന കുട്ടികള്‍ വിളിച്ചുപറയുന്നുണ്ടായിരുന്നു.

താന്‍ വേദിയില്‍ എത്തിയത് ഖദറിട്ടതിന് ശേഷം കുട്ടികള്‍വേണ്ടി മീശപിരിച്ചുമാണ് എത്തിയതെന്ന് പറഞ്ഞപ്പോള്‍ സദസ്സില്‍ നിന്നും വലിയ കയ്യടിയായിരുന്നു. ഖദര്‍ഷര്‍ട്ടും കൈത്തറി മുണ്ടും ധരിച്ചാണ് മോഹന്‍ലാല്‍ എത്തിയത്. മന്ത്രി ശിവന്‍കുട്ടി പറഞ്ഞതുകൊണ്ടാണ് ജുബ്ബയും മുണ്ടും ധരിച്ച് കേരളീയ വേഷത്തില്‍ എത്തിയതെന്നും മോഹന്‍ ലാല്‍ പറഞ്ഞു.

മഞ്ജുവാര്യര്‍, വേണുഗോപാല്‍, കെ.എസ്. ചിത്ര എന്നിവര്‍ കലോത്സവവേദിയിലൂടെ എത്തിയ താരങ്ങളാണെന്നും മോഹന്‍ലാല്‍ പറഞ്ഞു. ഒന്നാം സമ്മാനം നേടിയ കണ്ണൂര്‍ ജില്ലയെ അഭിനന്ദിച്ചപ്പോഴും ഇവിടെ മത്സരമില്ല ഇത് ഉത്സവമാണെന്ന് ഓര്‍മ്മിപ്പിച്ചാണ് മോഹന്‍ലാല്‍ പ്രസംഗം അവസാനിപ്പിച്ചത്.

ഓം നമഃ ശിവായ ചൊല്ലി വടക്കും നാഥനെ ഓർത്തു @Mohanlal കലോത്സവത്തിൽ ❤️🙏 pic.twitter.com/ARs5RivBnd

— Rohini Varma (@rohinivarma98) January 18, 2026