ജീവിതത്തിലായിരുന്നേല് ആ രാജാവിന്റെ ചങ്കിടിച്ച് കലക്കിയേനെ….ഇതിപ്പോ നാടോടി നൃത്തം ആയിപ്പോയി ‘ ചിരിയോടെയാണ് ദിയാ ബിജു പറഞ്ഞതെങ്കിലും അതില് അല്പം കാര്യമുണ്ട്.ആള് നര്ത്തകി മാത്രമല്ല കരാട്ടേ ബ്ലാക്ക് ബെല്റ്റ് കൂടിയാണ്. ദൈവങ്ങള്ക്ക് വേണ്ടി നൃത്തം ചെയ്യുന്ന ദേവദാസിയെ പീഡിപ്പിച്ച് കൊലപ്പെടുത്തുന്ന രാജാവും ആ പെണ്കുട്ടിയുടെ അമ്മയുടെ പ്രതികാരവുമാണ് നാടോടിനൃത്തമായി അവതരിപ്പിച്ച് എ ഗ്രേഡ് നേടിയത്. നേരിട്ട് ആരെങ്കിലും ആക്രമണത്തിന് വന്നാല് ഫൈറ്ററായ ദിയയ്ക്ക് നിമിഷനേരം മതി ആളെ നിലംപരിശാക്കാന്. അപ്പോ പിന്നെ രാജാവിന്റെ കാര്യം പറയണോ.
പത്ത് വര്ഷമായി കരാട്ടെയും ഒമ്പത് വര്ഷമായി നൃത്തവും ഒരുമിച്ച് കൊണ്ടുപോവുകയാണ് ഇടുക്കി ചെമ്മണ്ണാര് സെന്റ് സേവിയേഴ്സ് എച്ച് എസ് എസിലെ പ്ലസ് വണ്കാരി ദിയാ ബിജു. രാജകുമാരി കുരുട്ടാമ്പുറത്ത് വീട്ടില് ബിജുവിന്റെയും ബിസ്മിയുടെയും മകളായ ദിയ കരാട്ടെയില് ബ്ലാക്ക് ബെല്റ്റ് തേര്ഡ് ഡാന് ആണ്. കരാട്ടേ ഇടുക്കി ഡിസ്ടിക്ട് അസോസിയേഷന് ചാമ്പ്യന് ഷിപ്പില് ഫൈറ്റിങ്ങില് ഗോള്ഡ് മെഡല് നേടിയിട്ടുണ്ട്. രാജകുമാരി സ്വദേശി ഷാഹിദാണ് കരാട്ടേ പരിശീലകന്. ഡോ. കുമാറിന്റെ കീഴിലാണ് നൃത്ത പരിശീലനം. ഭരതനാട്യവും പരിശീലിക്കുന്നുണ്ട്. ആദ്യമായാണ് സംസ്ഥാന സ്കൂള് കലോത്സവത്തിന് എത്തുന്നത്. സഹോദരി നിയാ ബിജുവും കരാട്ടെ താരവും നര്ത്തകിയുമാണ്.
