ഒരു കാലത്ത് മലയാള സിനിമയിൽ സജീവമായിരുന്ന യുവനായികയാണ് രേണുക മേനോൻ. നമ്മൾ, വർഗം തുടങ്ങിയ സിനിമകളിൽ രേണുകയുടെ പ്രകടനം ഏറെ ശ്രദ്ധേയമായിരുന്നു. വിവാഹത്തോടെ അഭിനയരംഗം വിട്ട രേണുക ഭർത്താവ് സൂരജ് കുമാർ നായർക്കും രണ്ട് പെൺമക്കൾക്കുമൊപ്പം അമേരിക്കയിലെ കാലിഫോർണിയയിൽ സ്ഥിരതാമസമാണ്. അവിടെ ഒരു നൃത്തവിദ്യാലയം നടത്തി വരുന്നു.
ഇപ്പോഴിതാ, രേണുകയുടെയും കുടുംബത്തിന്റെയും ഏറ്റവും പുതിയ ചിത്രങ്ങളാണ് സോഷ്യൽ മീഡിയയിൽ വൈറലാകുന്നത്. സഹോദരന്റെ മകളുടെ വിവാഹത്തിനു പങ്കെടുത്ത ചിത്രങ്ങളാണ് താരം സോഷ്യൽ മീഡിയയിലൂടെ പങ്കുവച്ചിരിക്കുന്നത്.രേണുകയുടെ മക്കൾക്ക് പതിനാറും പത്തും ആണ് പ്രായം. മകൾ ടീനേജിൽ ആയിട്ടും അമ്മയ്ക്ക് ഇപ്പോഴും ഒരു മാറ്റവും ഇല്ലല്ലോ എന്നാണ് ആരാധകർ ചോദിക്കുന്നത്.. വീണ്ടും സിനിമയിൽ എത്തണമെന്നും ചിലർ പറയുന്നു.
