വൃന്ദാവനം (ഉത്തര്പ്രദേശ്):ലോകത്തിന്റെ ധാര്മിക, ആദ്ധ്യാത്മിക കേന്ദ്രമായി ഭാരതത്തെ പുനസ്ഥാപിക്കാന് എല്ലാവരും ഒരുമിച്ച് ശ്രമിക്കണമെന്ന് ആര് എസ് എസ് സര്സംഘചാലക് ഡോ. മോഹന് ഭാഗവത് .വൃന്ദാവന് ചന്ദ്രോദയ ക്ഷേത്ര ദര്ശനത്തിന് ശേഷം ഭക്ത സമൂഹത്തോട് സംസാരിക്കുകയായിരുന്നു അദ്ദേഹം.
ഇന്റര്നാഷണല് സൊസൈറ്റി ഫോര് കൃഷ്ണ കോണ്ഷ്യസ്നെസ് (ഇസ്കോണ്) സ്ഥാപകനായ ശ്രീല പ്രഭുപാദരുടെ ജീവിതം മനുഷ്യരാശിക്ക് പ്രചോദനമാണെന്ന് മോഹന് ഭാഗവത് പറഞ്ഞു. ഭാരതീയ സംസ്കാരം, സനാതനമൂല്യങ്ങള്, ഭഗവദ്ഗീതയുടെ സാര്വത്രിക സന്ദേശം എന്നിവ ലോകമെമ്പാടും പ്രചരിപ്പിച്ചുകൊണ്ട് ശ്രീല പ്രഭുപാദര് മനുഷ്യ സമൂഹത്തിന് ദിശാബോധം നല്കി.
അക്ഷയ പാത്ര ഫൗണ്ടേഷന് ധനസഹായത്തോടെ പ്രവര്ത്തിക്കുന്ന സ്കൂളിലെ വിദ്യാര്ത്ഥികള്ക്ക് സര്സംഘചാലക് ഉച്ചഭക്ഷണ പ്രസാദം വിതരണം ചെയ്തു. വിദ്യാഭ്യാസത്തിന്റെയും മൂല്യങ്ങളുടെയും സേവനത്തിന്റെയും പ്രാധാന്യത്തെക്കുറിച്ച് അദ്ദേഹം വിദ്യാര്ത്ഥികളോട് സംവദിച്ചു.
ചന്ദ്രോദയ മന്ദിര് ഭാരവാഹികളായ ഭരതര്ഷഭ ദാസ്, മധു പണ്ഡിറ്റ് ദാസ്, ചഞ്ചലപതി ദാസ് എന്നിവര് ചേര്ന്ന് സര്സംഘചാലകനെ സ്വീകരിച്ചു.
