മാംഗളൂരു: ദക്ഷിണേന്ത്യയിലെ പേര് കേട്ട ശ്രീകൃഷ്ണ ക്ഷേത്രമാണ് കര്‍ണ്ണാടകയിലെ ഉഡുപ്പിയിലുള്ള ഉഡുപ്പി ശ്രീകൃഷ്ണക്ഷേത്രം. ഈയിടെ ഒരു ഭക്തന്‍ ഈ ക്ഷേത്രത്തിന് സമര്‍പ്പിച്ച സ്വര്‍ണ്ണത്തില്‍ കൊത്തിയ ഭഗവദ്ഗീത വാര്‍ത്തകളില്‍ ഇടം പിടിച്ചിരിക്കുകയാണ്. സ്വര്‍ണ്ണപ്പാളികളില്‍ ഭഗവദ്ഗീത കൊത്തിയെടുത്തിരിക്കുകയാണ്. ഈ സ്വര്‍ണ്ണ ഭഗവദ്ഗീതയുടെ വില രണ്ട് കോടി രൂപയാണ്.
ദല്‍ഹി സ്വദേശിയായ ലക്ഷ്മീനാരായണന്‍ ആണ് ഈ ഭഗവദ്ഗീത സമര്‍പ്പിച്ചിരിക്കുന്നത്. അവിടെ നടക്കുന്ന ലോകഗീത പര്യായ ആഘോഷവേളയിലാണ് ഈ വിലകൂടിയ ഭഗവദ്ഗീത നല്‍കിയിരിക്കുന്നത്. അവിടെ പുത്തിഗെ മഠപാരമ്പര്യവുമായി ബന്ധപ്പെട്ട ആഘോഷത്തിലാണ് ഈ ഭഗവദ്ഗീത സമര്‍പ്പിച്ചത്. പതിനെട്ട് അധ്യായങ്ങളിലായി എഴുന്നൂറ് ശ്ലോകങ്ങളും സ്വര്‍ണ്ണപ്പാളികളില്‍ കൊത്തിയെടുത്ത ഒരു സമ്പൂര്‍ണ്ണ ഭഗവദ്ഗീതയാണ് നല്‍കിയിരിക്കുന്നത്. കൃഷ്ണമഠത്തിലെ മ്യൂസിയമായ ഗീതാമന്ദിറില്‍ ആണ് ഈ ഭഗവദ്ഗീത സ്ഥാപിക്കുക. ഇതിന് മുന്നോടിയായി ഈ ഭഗവദ്ഗീത ക്ഷേത്രത്തിന് ചുറ്റുമുള്ള വീഥിയിലൂടെ ഘോഷയാത്രയായി കൊണ്ടുവന്നു. പുത്തിഗെ മഠത്തിലെ വൈദികരെല്ലാം ഘോഷയാത്രയില്‍ പങ്കെടുത്തിരുന്നു.
മോഷണം പോകാതിരിക്കാന്‍ ബുള്ളറ്റ് പ്രൂഫ് ഗ്ലാസിനുള്ളിലാണ് ഭഗവദ്ഗീത സ്ഥാപിച്ചിരിക്കുന്നത്. ഇതില്‍ മഴ, മഞ്ഞ്, വെയില്‍ എന്നിവയെ അതിജീവിക്കാനുള്ള സംവിധാനവും ഉണ്ട്.
പതിമൂന്നാം നൂറ്റാണ്ടിൽ, വൈഷ്ണവ സന്യാസിയായിരുന്ന ജഗദ്ഗുരു മധ്വാചാര്യർ ആണ് ഉഡുപ്പി ശ്രീകൃഷ്ണക്ഷേത്രം നിർമ്മിച്ചത്. വൈഷ്ണവ മത സന്യാസിയായിരുന്ന ഇദ്ദേഹം ദ്വൈതവേദാന്ത ഗുരുകുല സ്ഥാപകനും കൂടിയായിരുന്നു. ദ്വാരകയില്‍ നിന്നുള്ള വിശുദ്ധമായ മഞ്ഞക്കളിമണ്ണായി കരുതപ്പെടുന്ന ഗോപീചന്ദനത്തില്‍ ആണ് ഉടുപ്പി ശ്രീകൃഷ്ണനെ മധ്വാചാര്യർ പ്രതിഷ്ഠിച്ചതെന്ന് സവിശ്വസിക്കുന്നു. അദ്ദേഹം രചിച്ച തന്ത്രസാര സംഗ്രഹത്തിൽ, വിഗ്രഹം പശ്ചിമാഭിമുഖമായി (പടിഞ്ഞാറോട്ട് അഭിമുഖമായി) പ്രതിഷ്ഠിച്ചതായി രേഖപ്പെടുത്തിയിട്ടുണ്ട്. മറ്റ് അഷ്ടമഠങ്ങളിലേയും പ്രതിഷ്ഠ പടിഞ്ഞാറോട്ട് ദർശനമായി തന്നെയാണ്. കിഴക്ക് ഭാഗത്തേക്കാണ് ക്ഷേത്രദർശനമെങ്കിലും കൃഷ്ണദർശനത്തിന് തെക്ക് ഭാഗത്തുള്ള “നവഗ്രഹ ദ്വാരവും” കനകന ദ്വാരവും ഉണ്ട്.
ഇപ്പോൾ അഷ്ടമഠങ്ങളുടെ നിയന്ത്രണത്തിലാണ് ക്ഷേത്രസമുച്ചയം പേജാവർ മഠം, പുത്തിഗെ മഠം, പലിമരു മഠം, അഡമരു മഠം, സോധെ മഠം, കണിയൂർ മഠം, ഷിരൂർ മഠം, കൃഷ്ണപുര മഠം എന്നിവയാണ് ഈ എട്ട് മഠങ്ങൾ. വിശ്വാസികളിൽ നിന്ന് ലഭിക്കുന്ന ഭണ്ഡാര വരുമാനവും അഷ്ടമഠങ്ങളിൽ നിന്നുള്ള സാമ്പത്തിക സഹായവുമാണ് ക്ഷേത്ര ചെലവുകൾ നികത്തുന്നത്. ക്ഷേത്രത്തിന് വമ്പിച്ച ഭൂസ്വത്തുക്കൾ ഉണ്ടായിരുന്നുവെങ്കിലും 1975 ലെ ഭൂപരിഷ്കരണ നടപടികളിൽ അവ ഏറിയ ഭാഗവും നഷ്ടപ്പെട്ടു[6].
പതിമൂന്നാം നൂറ്റാണ്ടിൽ, വൈഷ്ണവ സന്യാസിയായിരുന്ന ജഗദ്ഗുരു മധ്വാചാര്യർ ആണ് ഉഡുപ്പി ശ്രീകൃഷ്ണക്ഷേത്രം നിർമ്മിച്ചത്[2]. വൈഷ്ണവ മത സന്യാസിയായിരുന്ന ഇദ്ദേഹം ദ്വൈതവേദാന്ത ഗുരുകുല സ്ഥാപകനും കൂടിയായിരുന്നു. ഗോപീചന്ദത്തിൽ ഉടുപ്പി ശ്രീകൃഷ്ണനെ പ്രതിഷ്ഠിച്ചത് മധ്വാചാര്യർ ആണെന്ന് വിശ്വസിക്കുന്നു. അദ്ദേഹം രചിച്ച തന്ത്രസാര സംഗ്രഹത്തിൽ, വിഗ്രഹം പശ്ചിമാഭിമുഖമായി (പടിഞ്ഞാറോട്ട് അഭിമുഖമായി) പ്രതിഷ്ഠിച്ചതായി രേഖപ്പെടുത്തിയിട്ടുണ്ട്. മറ്റ് അഷ്ടമഠങ്ങളിലേയും പ്രതിഷ്ഠ പടിഞ്ഞാറോട്ട് ദർശനമായി തന്നെയാണ്. കിഴക്ക് ഭാഗത്തേക്കാണ് ക്ഷേത്രദർശനമെങ്കിലും കൃഷ്ണദർശനത്തിന് തെക്ക് ഭാഗത്തുള്ള “നവഗ്രഹ ദ്വാരവും” കനകന ദ്വാരവും ഉണ്ട്.
