ന്യൂദല്ഹി: ലഭ്യമാകുമെങ്കില് വെനിസ്വേലയില് നിന്നുള്ള ക്രൂഡോയില് വാങ്ങുന്നത് പരിഗണിക്കുമെന്ന് റിലയന്സ് ഇന്ഡസ്ട്രീസ് . അമേരിക്കക്കാര്ക്കല്ലാത്തവര്ക്ക് വില്ക്കുമോ എന്നതു സംബന്ധിച്ച വ്യക്തതയ്ക്കായി തങ്ങള് കാത്തിരിക്കുകയാണെന്ന് റിലയന്സ് ഇന്ഡസ്ട്രീസിന്റെ വക്താവ് വാര്ത്താ ഏജന്സിയോടു പറഞ്ഞു.
25% തീരുവ ഏര്പ്പെടുത്തുമെന്ന് ട്രംപ് പ്രഖ്യാപിച്ചതോടെയാണ് 2025 മാര്ച്ച് മുതല് റിലയന്സ് വെനിസ്വേലന് എണ്ണ വാങ്ങുന്നത് നിര്ത്തിയത്.
പടിഞ്ഞാറന് ഗുജറാത്തിലെ റിലയന്സിന്റെ രണ്ട് റിഫൈനറികള് പ്രതിദിനം 1.4 ദശലക്ഷം ബാരല് എണ്ണ സംസ്കരിക്കാന് ശേഷിയുള്ളവയാണ്.
വെനിസ്വേലന് ബാരലുകള് വീണ്ടും ആഗോള വിപണികളില് പ്രവേശിച്ചാല്, അവയ്ക്ക് കിഴിവ് ലഭിക്കാന് സാധ്യതയുണ്ടെന്നാണ് റിലയന്സ് പ്രതീക്ഷിക്കുന്നത്.
