പത്തനംതിട്ട:പാര്‍ട്ടി ചര്‍ച്ച ചെയ്യും മുമ്പ് സ്ഥാനാര്‍ത്ഥി പ്രഖ്യാപനം നടത്തിയ സിപിഎം പത്തനംതിട്ട ജില്ലാ സെക്രട്ടറി രാജു എബ്രഹാമിനോട് പാര്‍ട്ടി സംസ്ഥാന നേതൃത്വം വിശദീകരണം തേടി.ആറന്മുളയില്‍ വീണ ജോര്‍ജ്ജും കോന്നിയില്‍ ജനീഷ് കുമാറും മത്സരിക്കുമെന്ന് രാജു എബ്രഹാം മാധ്യമങ്ങളിലൂടെ വെളിപ്പെടുത്തിയിരുന്നു.
ഇതാണ് സംസ്ഥാന നേതൃത്വം വിശദീകരണം ആവശ്യപ്പെടാന്‍ കാരണം.സംസ്ഥാന സെന്റര്‍ ആണ് രാജു എബ്രഹാമിനോട് ഇമെയില്‍ വഴി വിശദീകരണം ആവശ്യപ്പെട്ടത്
ഏത് ഘടകത്തില്‍ ചര്‍ച്ച ചെയ്തു?, ചര്‍ച്ചചെയ്യും മുമ്പ് മാധ്യമങ്ങളിലൂടെ എന്തിന് സ്ഥാനാര്‍ത്ഥികളെ കുറിച്ച് സംസാരിച്ചു? തുടങ്ങിയ ചോദ്യങ്ങള്‍ക്കാണ് വിശദീകരണം നല്‍കേണ്ടത്.
കേരളത്തിന്റെ ആരോഗ്യ രംഗത്തെ ലോകത്തിന്റെ നെറുകയില്‍ എത്തിച്ച ആളാണ് വീണാ ജോര്‍ജെന്നതിനാല്‍ ഏത് മണ്ഡലത്തില്‍ നിന്നാലും വിജയിക്കുമെന്ന് രാജു എബ്രഹാം പറഞ്ഞിരുന്നു.കോന്നിയുടെ വികസന നായകനായ ജനീഷ് കുമാര്‍ വീണ്ടും മത്സരിക്കണമെന്ന് ജനം ആഗ്രഹിക്കുന്നുവെന്നും ജില്ലയിലെ അഞ്ച് എംഎല്‍എമാരും മികച്ച പ്രവര്‍ത്തനം കാഴ്ചവെക്കുന്നുവെന്നും രാജു എബ്രഹാം പറയുകയുണ്ടായി.
