ലോകേഷിന്റേതായി സിനിമാ പ്രേക്ഷകർ കൊതിയോടെ കാത്തിരിക്കുന്ന ചിത്രമാണ് കൈതി 2. ചിത്രത്തിന്റെ ഓരോ അപ്ഡേഷനും കിട്ടുന്ന സ്വീകാര്യതയും വളരെ വലുതാണ്. എന്നാൽ ഇപോൾ വൈറലാകുന്നത് ‘കൈതി’ സിനിമയിലൂടെ ശ്രദ്ധേയയായ ‘കുട്ടിത്താരം’ മോണിക്ക ശിവയുടെ ഏറ്റവും പുതിയ ചിത്രങ്ങളാണ് ശ്രദ്ധനേടുന്നത്.
ചിത്രത്തിൽ കാർത്തിയുടെ മകൾ അമുദയായി എത്തിയത് മോണിക്കയായിരുന്നു. താരം ഇൻസ്റ്റഗ്രാമിൽ പങ്കുവച്ച ചിത്രങ്ങളിൽ ഗംഭീര മേക്കോവറിലാണ് പതിനാറുകാരിയായ മോണിക്ക എത്തുന്നത്.
കൈതി ചിത്രീകരിക്കുമ്പോൾ അഞ്ചാം ക്ലാസിലായിരുന്നു ഈ ‘കുട്ടിത്താരം’. ഇപ്പോൾ പ്ലസ് 2 വിദ്യാർഥിയാണ് മോണിക്ക. രണ്ടാം ഭാഗത്തിൽ അതേ പ്രായത്തിലുള്ള അമുദയായി അഭിനയിക്കാൻ താരത്തിന് സാധിക്കില്ല. കഥയിൽ മാറ്റം വരുത്തി അമുദയെ വലിയ പെൺകുട്ടിയായി അവതരിപ്പിച്ചാൽ മാത്രമേ മോണിക്കയ്ക്ക് വീണ്ടും ആ വേഷം ചെയ്യാൻ കഴിയൂ എന്നാണ് സോഷ്യൽ മീഡിയയിൽ ഉയരുന്ന അഭിപ്രായം.മലയാളത്തിൽ മമ്മൂട്ടിക്കൊപ്പം ‘പ്രീസ്റ്റ്’ എന്ന ചിത്രത്തിലും പ്രത്യക്ഷപ്പെട്ടിരുന്നു.
