ബോളിവുഡിലെ യുവതാരങ്ങളുടെ നിരയിൽ ഏറെ ശ്രദ്ധനേടിയ നടനാണ് കാർത്തിക് ആര്യൻ. താരകുടുംബങ്ങളുടെ പാരമ്പര്യമില്ലാതെ തന്നെ വളരെ ചുരുങ്ങിയ കാലത്തിനുള്ളിൽ യുവാക്കൾക്കിടയിൽ കാർത്തിക് തന്റെതായ സ്ഥാനം കണ്ടെത്തി. ലവ് ആജ് കൽ, ധമാക്ക, ബുൽ ബുല്ലയ്യ 2, ബുൽ ബുല്ലയ്യ 3, ഫ്രെഡ്ഡി, ചന്ദു ചാമ്പ്യൻ എന്നിവ കാർത്തിക് ആര്യന്റെ ശ്രദ്ധയമായ സിനിമകളാണ്.
ഇപ്പോഴിതാ ഗോവയിൽ അവധിക്കാലം ആഘോഷിക്കുന്ന നടന്റെ ചില ചിത്രങ്ങളാണ് സോഷ്യൽ മീഡിയയിൽ പ്രചരിക്കുന്നത്.കാർത്തിക്കിനൊപ്പം ഒരു രഹസ്യ പെൺകുട്ടിയും ബീച്ചിലുണ്ടായിരുന്നുവെന്ന തരത്തിലാണ് ഊഹാപോഹങ്ങൾ പ്രചരിക്കുന്നത്. ബീച്ചിൽ വിശ്രമിക്കുന്ന ഒരു ചിത്രം കാർത്തിക് പങ്കുവെച്ചതോടെയാണ് എല്ലാത്തിനും തുടക്കം. പിന്നാലെ, ഗ്രീസിൽ നിന്നുള്ള കരിന കുബിലിയൂട്ട് എന്ന പെൺകുട്ടിയും ഇതേ സ്ഥലത്തുനിന്നുള്ള ചിത്രങ്ങൾ പങ്കുവെച്ചു. ഇതോടെ, താരം ഒറ്റയ്ക്കല്ല അവധിക്കാലം ആഘോഷിച്ചതെന്നും, ഇതേ ബീച്ച് കേന്ദ്രീകരിച്ച് ആ പെൺകുട്ടിയുമുണ്ടായിരുന്നെന്നും കമന്റുകൾ വരുകയായിരുന്നു.
കട്ടിലുകൾ, ടവൽ പാറ്റേണുകൾ തുടങ്ങി ബീച്ചിലെ സജ്ജീകരണങ്ങളെല്ലാം രണ്ടു ചിത്രങ്ങളിലും സമാനമായിരുന്നുവെന്നാണ് കണ്ടെത്തൽ. മാത്രമല്ല, ചിത്രങ്ങൾ ഓൺലൈനിൽ പ്രചരിക്കുന്നതിനു മുമ്പു വരെ കാർത്തികും കരിനയും സോഷ്യൽ മീഡിയയിൽ പരസ്പരം പിന്തുടർന്നിരുന്നുവെന്നും വൈറലായതോടെ പരസ്പരം അൺഫോളോ ചെയ്തെന്നും ചിലർ പറയുന്നു.
അതേസമയം നടി ശ്രീലീലയും കാർത്തിക് ആര്യനും ഡേറ്റിംഗിലാണെന്ന് അഭ്യൂഹങ്ങൾ വരാൻ തുടങ്ങിയിട്ട് കൂറെ നാളുകളായി. ശ്രീലീല കാർത്തിക്കിന്റെ വീട്ടിലെ സ്വകാര്യപരിപാടിയിൽ അടക്കം പങ്കെടുത്തതോടെയാണ് അഭ്യൂഹങ്ങൾ വ്യാപകമായത്.
