തങ്ങളുടെ പ്രവചനങ്ങളിലൂടെ ലോകത്തെ ഞെട്ടിച്ച് പ്രസിദ്ധരായ രണ്ട് പേരാണ് 1996-ൽ മരിച്ച ബൾഗേറിയൻ മിസ്റ്റിക്കായ ബാബ വാംഗും 16-ാം നൂറ്റാണ്ടിലെ ഫ്രഞ്ച് ജ്യോതിഷിയായ മൈക്കൽ ഡി നോസ്ട്രഡാമസും. 2026 നെ പറ്റിയും അദ്ദേഹം ചില ഭയപ്പെടുത്തുന്ന പ്രവചനങ്ങൾ നടത്തിയിട്ടുണ്ട്.
ഏഴു മാസത്തെ മഹായുദ്ധത്തെക്കുറിച്ചാണ് ആദ്യത്തെ പ്രവചനം. ‘ഏഴു മാസത്തെ മഹായുദ്ധം, തിന്മയാൽ മരിച്ചുപോയ ആളുകൾ / റൂവൻ, എവ്രൂക്സ് രാജാവ് പരാജയപ്പെടില്ല” എന്നാണ് പുസ്തകത്തിൽ രേഖപ്പെടുത്തിയിരിക്കുന്നത്.
സ്വിറ്റ്സർലൻഡിലെ ടിസിനോ മേഖലയിൽ ഒരു ദുരന്തമുണ്ടാകുമെന്നും അനേകം പേർ കൊല്ലപ്പെടുമെന്നുമാണ് മറ്റൊരു പ്രവചനം. ഏറ്റവും കൗതുകകരമായ മറ്റൊരു പ്രവചനം ഒരു കൂട്ടം ഈച്ചകളെപ്പറ്റിയാണ്. പൊടുന്നനെ എവിടെനിന്നെന്നറിയാതെ ഒരു കൂട്ടം ഭീകര ഈച്ചകൾ ഭൂമിയിൽ പ്രത്യക്ഷപ്പെടുമെന്നും അവ ദുരിതം വിതയ്ക്കുമെന്നും നോസ്ത്രഡാമസ് പറയുന്നു. ഏതാണ് ഈ ഈച്ചകൾ? അതെപ്പറ്റി കൂടുതൽ വിവരങ്ങളില്ല. ഒരു പക്ഷേ ഡ്രോണുകളാകാം ഈ ഭീകര ഈച്ചകളെന്നു ചിലരെല്ലാം വ്യാഖ്യാനിക്കുന്നുണ്ട്
വളരെ പ്രശസ്തനായ ഒരു വ്യക്തി ഇടിമിന്നലേറ്റ് മരിക്കുമെന്നാണു പ്രധാന പ്രവചനങ്ങളിലൊന്ന്. ഈ വ്യക്തി ആരാണെന്നോ അദ്ദേഹത്തിന്റെ കർമമേഖല എന്താണെന്നോ പ്രവചനത്തിൽ സൂചനയില്ല. ഇറ്റലിയിലെ ടസ്കാനി മേഖലയിൽ നിന്നു ഒരു പകർച്ചവ്യാധി ഉടലെടുക്കുമെന്നാണു മറ്റൊരു പ്രവചനം. ടസ്കാനി രാജ്യാന്തര തലത്തിൽ പ്രസിദ്ധമാണ്. ഏഷ്യയ്ക്കു പുറത്ത് ആദ്യമായി കോവിഡ് ബാധ ഉടലെടുത്തത് ഇവിടെയാണ്. ടോസ്കാന വൈറസ് എന്നൊരു രോഗാണു ഇവിടെ ഏറെക്കാലമായുണ്ടെന്നാണ് സൂചന.
