കണ്ണൂര്: അടച്ചിട്ട വീടിന്റെ വാതില് തകര്ത്ത് 10 പവന് സ്വര്ണാഭരണങ്ങളും 10000 രൂപയും കവര്ന്ന മോഷ്ടാവ് പിടിയില്. കല്യാണത്തട്ടിപ്പുകാരനായ പാലക്കാട് വട്ടമന്നപുരം സ്വദേശി എം. നവാസിനെയാണ് (55) മട്ടന്നൂര് പൊലീസ് പിടികൂടിയത്.
മോഷണശേഷം കര്ണാടകയില് വിവിധ സ്ഥലങ്ങളില് മാറിമാറി താമസിക്കുകയായിരുന്നു ഇയാള്.വ്യാഴാഴ്ച രാവിലെ വയനാട്ടിലെ കാട്ടിക്കുളത്ത് വച്ചാണ് പൊലീസ് പിടികൂടിയത്.
തെരൂര് പാലയോട്ടെ പൗര്ണമിയില് ടി. നാരായണന്റെ വീട്ടിലാണ് മോഷണം നടന്നത്.ഇദ്ദേഹം തനിച്ചാണ് വീട്ടില് താമസിക്കുന്നത്.ഈ മാസം 22ന് വീട് പൂട്ടി നാരായണന് മകളുടെ ബെംഗളൂരുവിലെ വീട്ടില് പോയിരുന്നു.കഴിഞ്ഞ ഞായറാഴ്ച സന്ധ്യക്ക് വീട്ടില് തിരിച്ചെത്തിയപ്പോഴാണ് വീടിന്റെ മുന് വശത്തെ വാതില് തകര്ത്ത നിലയില് കണ്ടത്.തുടര്ന്ന് പരിശോധിച്ചപ്പോള് സ്വര്ണവും പണവും നഷ്ടപ്പെട്ടതായി കണ്ടെത്തി.
വീടിനു ചുറ്റും സിസിടിവി കാമറകള് സ്ഥാപിച്ചിരുന്നെങ്കിലും കാമറകള് തകര്ത്തു മോഷ്ടാവ് കൊണ്ടുപോയി.എന്നാല് ഒരു സിസിടിവിയില് ഇയാളുടെ ദൃശ്യം പതിഞ്ഞിരുന്നു.
