ശിവഗിരി: ഒരുകാലത്ത് ശ്രീനാരായണഗുരുവിനെ നിന്ദിച്ചിരുന്നവര്‍ പോലും ഇന്ന് അദ്ദേഹത്തിന്റെ സ്തുതിപാഠ
കരായി മാറി എന്ന് ബിജെപി ദേശീയ നിര്‍വാഹക സമിതി അംഗം പി.കെ. കൃഷ്ണദാസ്. ശിവഗിരി തീര്‍ഥാടനത്തിന്റെ ഭാഗമായി നടന്ന കൃഷി കച്ചവടം കൈത്തൊഴില്‍ സ്വയം പര്യാപ്തതയിലൂടെ അഭിവൃദ്ധി എന്ന സെമിനാറില്‍ സംസാരിക്കുകയായിരുന്നു അദ്ദേഹം.
അരുവിപ്പുറം പ്രതിഷ്ഠയുടെ നൂറാം വര്‍ഷം ആഘോഷിച്ചപ്പോള്‍ രാജീവ് ഗാന്ധി, ബിജെപി നേതാവ് ലാല്‍ കൃഷ്ണ അദ്വാനി മുതലായവര്‍ പങ്കെടുത്തുവെങ്കിലും സംസ്ഥാനത്തെ അന്നത്തെ മുഖ്യമന്ത്രി പങ്കെടുക്കാന്‍ തയ്യാറായില്ല. മാത്രമല്ല ഗുരുദേവദര്‍ശനങ്ങള്‍ക്ക് പ്രസക്തിയില്ല എന്ന് മുഖ്യമന്ത്രി അന്ന് ലേഖനം എഴുതി പ്രസിദ്ധീകരിച്ചു. എന്നാല്‍ പില്‍ക്കാലത്ത് അദ്ദേഹത്തിന്റെ അനുയായികള്‍ ശിവഗിരിയില്‍ എത്തുന്നതും ഗുരുവിനെ വാഴ്‌ത്താന്‍ തയ്യാറാകുന്നതും സന്തോഷകരമായ കാര്യമാണെന്നും കൃഷ്ണദാസ് പറഞ്ഞു.
സര്‍വരുടെയും നന്മ ആഗ്രഹിച്ചിരുന്ന സര്‍വ്വസംഗപരിത്യാഗികളായ ഭാരതീയ സന്യാസിമാരില്‍ പ്രധാനിയായിരുന്നു ശ്രീനാരായണ ഗുരുദേവന്‍. ഗുരു പറഞ്ഞ കാര്യങ്ങള്‍ നടപ്പിലാക്കിയാല്‍ കേരളത്തിന് സ്വയം പര്യാപ്തമാകാന്‍ സാധിക്കും. ഇതിലൂടെ വികസിത കേരളം സാധ്യമാകും. ഗുരുദേവദര്‍ശനങ്ങള്‍ ഭരണപരമായ കാര്യങ്ങളില്‍ നടപ്പിലാക്കാന്‍ തുടങ്ങിയതോടെയാണ് നരേന്ദ്രമോദി സര്‍ക്കാരിന് എല്ലാരംഗത്തും പുരോഗതി നേടാന്‍ സാധിച്ചത്. കൃഷിയിലും വ്യവസായത്തിലും കയറ്റുമതിയിലും എല്ലാം ഇന്ന് ഭാരതം മുന്‍പന്തിയിലേക്ക് കുതിക്കുകയാണ്. എന്നാല്‍ കേരളത്തില്‍ ഓരോ രംഗത്തും നാം താഴേക്ക് പോവുകയാണ്. ഭക്ഷ്യധാന്യങ്ങള്‍ ഉള്‍പ്പെടെ മറ്റു സംസ്ഥാനങ്ങളെ ആശ്രയിക്കേണ്ടി വരുന്നു. ഇതിന്റെ പരിഹാരം ഗുരുദേവ ദര്‍ശനത്തില്‍ അധിഷ്ഠിതമായ കൃഷിയും വ്യവസായവും നടപ്പാക്കലാണ്. രക്തരഹിത വിപ്ലവത്തിലൂടെ ആയിരുന്നു ഗുരുദേവന്‍ സാമൂഹികമായ പരിവര്‍ത്തനം വരുത്തിയത്. ഇതാണ് ലോകത്തിന് മുന്നില്‍ വയ്‌ക്കാവുന്ന ഗുരുദേവന്‍ നല്‍കിയ യഥാര്‍ത്ഥ കേരള മാതൃക എന്നും പി.കെ. കൃഷ്ണദാസ് പറഞ്ഞു പറഞ്ഞു.
