തിരുവനന്തപുരം: രാജേന്ദ്ര വിശ്വനാഥ് ആര്ലേക്കര് ഗവര്ണറായി അധികാരമേറ്റശേഷം ആദ്യമായി തിരുവനന്തപുരം കോര്പറേഷന് മേയറും ഡെപ്യൂട്ടി മേയറും ലോക്ഭവനിലെത്തി. മേയര് അഡ്വ. വി.വി. രാജേഷും ഡെപ്യൂട്ടി മേയര് ആശാനാഥും ഇന്നലെ ഗവര്ണര് രാജേന്ദ്ര വിശ്വനാഥ് ആര്ലേക്കറെ സന്ദര്ശിച്ചു. രാജേന്ദ്ര വിശ്വനാഥ് ആര്ലേക്കര് ഗവര്ണറായി എത്തുമ്പോള് മേയറായിരുന്ന ആര്യ രാജേന്ദ്രന് ഒരിക്കല്പോലും ലോക് ഭവനില് എത്തിയിരുന്നില്ല.
ലോക്ഭവനില് എത്തിയ രാജേഷും ആശാനാഥും നഗരത്തിന്റെ വികസനം സംബന്ധിച്ച് ഗവര്ണറുമായി ചര്ച്ച നടത്തി. ഗവര്ണര് ഇരുവരെയും അഭിനന്ദിച്ചു. നഗര വികസനത്തിന് എല്ലാ പിന്തുണയും ഗവര്ണര് വാഗ്ദാനം ചെയ്തു. കൗണ്സിലര്മാരെയും കാണണമെന്ന് അദ്ദേഹം ആഗ്രഹം പ്രകടിപ്പിച്ചു. എല്ലാ കൗണ്സിലര്മാരെയും ഒരുമിച്ച് ചേര്ത്ത് ഗവര്ണറെ കാണാമെന്ന് മേയര് ഉറപ്പ് നല്കി. ഇരുവരും കോര്പ്പറേഷന്റെ ഉപഹാരം ഗവര്ണര്ക്ക് സമ്മാനിച്ചു. പദ്മനാഭസ്വാമിയുടെ ശില്പം ഗവണര് സമ്മാനിച്ചു.
പൗരപ്രമുഖരെ ഉള്പ്പെടുത്തി സംഘടിപ്പിക്കുന്ന അറ്റ് ഹോം പരിപാടിയില് ഉള്പ്പെടെ ക്ഷണം ഉണ്ടായിട്ടും മേയറായിരുന്ന ആര്യ രാജേന്ദ്രന് ലോക്ഭവനില് എത്തിയിരുന്നില്ല. കോര്പ്പറേഷന് കൗണ്സിലില് ഉള്പ്പെടെ ഗവര്ണറെ രൂക്ഷമായി അവഹേളിച്ച് സംസാരിക്കുന്നതും പതിവായിരുന്നു.
