തിരുവനന്തപുരം: ശാസ്തമംഗലത്തെ കോര്‍പറേഷന്‍ കെട്ടിടത്തില്‍ പ്രവര്‍ത്തിക്കുന്ന എംഎല്‍എ ഓഫീസ് മാര്‍ച്ച് 31 വരെ താന്‍ പ്രവര്‍ത്തിപ്പിക്കുമെന്ന് വി.കെ. പ്രശാന്ത് എംഎല്‍എ. കാരണം ആര്യാ രാജേന്ദ്രന്‍ മേയറായിരുന്നപ്പോഴുള്ള കോര്‍പറേഷനുമായുണ്ടാക്കിയ വാടകക്കരാറില്‍ മാര്‍ച്ച് 31വരെ കാലാവധിയുണ്ട്.
ഉത്തര്‍പ്രദേശിലെ യോഗിയുടെ മോഡലില്‍ ബുള്‍ഡോസര്‍ കൊണ്ട് വന്ന് ഒഴിപ്പിക്കാന്‍ ശ്രമിച്ചാല്‍ ഒഴിയില്ലെന്നും ബുള്‍ഡോസര്‍ ഭരണം അനുവദിക്കില്ലെന്നും പ്രശാന്ത് പറഞ്ഞു.
അതിനാല്‍ അതിന് ശേഷമേ താന്‍ ഇവിടെ പ്രവര്‍ത്തിപ്പിച്ചുവരുന്ന എംഎല്‍എ ഓഫീസ് ഒഴിയൂ എന്ന് വി.കെ. പ്രശാന്ത് എംഎല്‍എ പറഞ്ഞു. അതും ഇപ്പോഴത്തെ ബിജെപി ഭരിയ്‌ക്കുന്ന കോര്‍പറേഷന്‍ ഈ കരാര്‍ റദ്ദാക്കിയാല്‍ മാത്രമേ താന്‍ ഒഴിയൂ. കാലാവധി നീട്ടിത്തന്നാല്‍ ഇവിടെ എംഎല്‍എ ഓഫീസ് തുടര്‍ന്നും പ്രവര്‍ത്തിപ്പിക്കും.
എംഎല്‍എ കൊടുക്കുന്ന വാടക 782 രൂപ
ഇപ്പോള്‍ ഈ കെട്ടിടത്തിന് വാടക കൊടുക്കുന്നുണ്ടോ എന്ന മാധ്യമപ്രവര്‍ത്തകരുടെ ചോദ്യത്തിന് വാടക കൊടുക്കുന്നുണ്ട്, 782 രൂപയോ മറ്റോ ആണ് വാടക എന്നും വി.കെ. പ്രശാന്ത് പറഞ്ഞു.
