തിരുവനന്തപുരം: പ്രധാനമന്ത്രി മോദി അനന്തപുരിയില്‍ എത്തുമ്പോള്‍ സ്വീകരിക്കാന്‍ ആര്‍എസ്എസുകാരനായ മേയര്‍ ഉണ്ടാകും എന്ന് പറഞ്ഞാല്‍ കുറച്ചുനാള്‍ മുന്‍പ് വരെ പലരും അതിനെ ചിരിച്ചുതള്ളിയിരുന്നു. പക്ഷെ ഇപ്പോള്‍ അസാധ്യമെന്ന് പലരും കരുതിയിരുന്ന സ്വപ്നം ഇതാ യാഥാര്‍ത്ഥ്യമായിരിക്കുന്നു.
45 വര്‍ഷങ്ങളോളം തുടര്‍ച്ചയായി സിപിഎം ഭരിച്ചിരുന്ന ഇടമാണ് തിരുവനന്തപുരം കോര്‍പറേഷന്‍. അവിടെ നിരന്തരമായ സമരങ്ങളിലൂടെ ഇടത് പക്ഷത്തിന്റെ അടിത്തറ തകര്‍ത്താണ് 2025ല്‍ ബിജെപി തിരുവനന്തപുരം കോര്‍പറേഷന്‍ പിടിച്ചത്. ആകെയുള്ള 101 കൗണ്‍സിലര്‍മാരില്‍ 50 പേര്‍ ബിജെപിയില്‍ നിന്നുള്ളവര്‍ എന്നത് വലിയൊരു മുന്നേറ്റമാണ്.
അധികാരമേറ്റ് 45 നാളുകള്‍ക്കുള്ളില്‍ പ്രധാനമന്ത്രി മോദി തിരുവനന്തപുരത്തെത്തും എന്നാണ് ബിജെപി പ്രഖ്യാപിച്ചിരുന്നത്. എന്തായാലും പ്രധാനമന്ത്രി മോദി അനന്തപുരിയിൽ എത്തുമ്പോൾ സ്വീകരിക്കാൻ ഇനി ആർ എസ് എസ്സുകാരനായ മേയർ അവിടെ കാത്തിരിപ്പുണ്ട്. അതാണ് ഇപ്പോഴത്തെ മേയര്‍ വി.വി. രാജേഷ്.
