സ്വർണവില സാധാരണക്കാർക്കും ആഭരണപ്രേമികൾക്കും വെല്ലുവിളി ഉയർത്തി കുതിക്കുകയാണ്. എന്നാൽ സ്വർണം ഒഴുകുന്ന ഒരു നദി നമ്മുടെ രാജ്യത്ത് ഉണ്ടെന്ന് പറഞ്ഞാൽ വിശ്വസിക്കുമോ?
ജാർഖണ്ഡിലെ സുബര്‍ണ നദിയിലാണ് സ്വർണം ഒഴുകുന്നത്. 474 കിലോമീറ്റര്‍ വ്യാപിച്ചുകിടക്കുന്ന ഈ നദിയെ ‘സ്വര്‍ണ കലവറ’ എന്നാണ് വിളിക്കുന്നത്. നദിയിൽ സ്വര്‍ണത്തിന്റെ സാന്നിധ്യം തെളിയിക്കപ്പെട്ടിട്ടുണ്ട്.
നിരവധി പേരാണ് ഇവിടെ സ്വര്‍ണം തിരഞ്ഞ് വരുന്നത്. എന്നാല്‍ ഈ സ്വര്‍ണം എവിടെ നിന്നു വരുന്നുവെന്നതിന് വ്യക്തതയില്ല. നദി ഉത്ഭവിക്കുന്ന പര്‍വതപ്രദേശങ്ങളാണ് ഇതിന് കാരണമെന്ന് പലരും പറയുന്നുണ്ട്. റാഞ്ചിയ്‌ക്ക് സമീപമുള്ള പിക്സ എന്ന ഗ്രാമത്തില്‍ നിന്നാണ് സുബര്‍ണ നദിയുടെ ഉത്ഭവം. ഇന്ത്യയില്‍ കിഴക്കോട്ട് ഒഴുകുന്ന നദികളില്‍ ഏറ്റവും നീളം കൂടിയ നദിയാണിത്. ബംഗാള്‍ ഉള്‍ക്കടലാണ് ലക്ഷ്യസ്ഥാനം
നദിയുടെ അടിത്തട്ടില്‍ അരിപ്പകള്‍ ഉപയോഗിച്ച് മണല്‍ അരിച്ചെടുത്താണ് സ്വർണ കണികകൾ ശേഖരിക്കുന്നത്. മണ്‍സൂണ്‍ ഒഴികെ വര്‍ഷം മുഴുവനും ഈ നദിയില്‍ സ്വര്‍ണ്ണം വേര്‍തിരിച്ചെടുക്കല്‍ പ്രക്രിയ നടക്കുന്നുണ്ടെന്നാണ് റിപ്പോർട്ടുകൾ
